Ats1-ma’ruza. Kirish. Fanning maqsadi, vazifasi va dolzarbligi. Kommutatsiyalash uskunalarining rivojlanishi Reja

15-Ma’ruza. H.323 protokoli


H.323 standarti asosidagi tizimning arxitekturasi

H.323 tavsiya Xalqaro elektr aloqa ittifoqi telekommunikatsiyalarni standartlashtirish Sektori (XEAI-T) tomonidan ishlab chiqilgan va paketlar kommutatsiyalanadigan tarmoqlarda (masalan, korporativ intratarmoq yoki Internetda) multimediali aloqani amalga oshirish uchun mo‘ljallangan terminal qurilmalari, jihozlari va tarmoq xizmatlarining tavsiflaridan tashkil topgan. H.323 standartining terminal qurilmalari va tarmoq jihozlari real vaqt rejimida ma’lumotlar, nutq va videoma’lumotlarni uzatishi mumkin .

Nutqli almashtirishning qo‘llanilishi H.323 standarti qurilmalari uchun majburiy funksiyadan iborat. H.323 Tavsiyada to‘rtta asosiy komponentlari tavsiflanadi (4.1-rasm):
- terminal;
- gatekeeper (zona kontrolleri);
- shlyuz;
- ko‘p nuqtali konferensiyani boshqarish qurilmasi (MCU).
Ta’kidlash kerakki, UFTT qurilmalaridan farqli ravishda H.323 qurilmalari tarmoqda qatiy biriktirilgan joyga ega emas. Qurilmalar IP-tarmoqning istalgan nuqtasiga ulanadi. Lekin bunda H.323 tarmog‘i zonalarga bo‘linadi, har bir zonani esa darvozabon boshqaradi.


H.323 terminali

H.323 terminali boshqa N.3323 terminal, shlyuz yoki ko‘p nuqtali konferensiyani boshqarish qurilmasi (MCU) bilan o‘zaro ta’sirlashish bilan real vaqt o‘lchamida trafikni uzatish va qabul qilishga qodir bo‘lgan tarmoqning oxirgi nuqtasi hisoblanadi.

4.1-rasm. H.323 tarmoqning arxitekturasi

4.2-rasm. H.323 zonasi

Bu funksiyalarni ta’minlanishi uchun terminal quyidagilarni o‘z ichiga oladi:

- audio elementlari (mikrofon, akustik tizimlar, telefon miksheri, akustik aks-sadoni so‘ndirish tizimi);
- video elementlar (monitor, videokamera);
- tarmoq interfeysi elementlari;
- foydalanuvchi interfeysi.
H.323 terminalining tuzilish sxemasi 4.3-rasmda keltirilgan.

4.3-rasm. H.323 terminalining tuzilish sxemasi