Ats1-ma’ruza. Kirish. Fanning maqsadi, vazifasi va dolzarbligi. Kommutatsiyalash uskunalarining rivojlanishi Reja

9.7-rasm. ADSL da protokollarni o‘zgartirish arxitekturasi

Modemda modulyatsiyalangan signal sifatida shakllangan ADSL kadrlari uzatish foydalaniladigan telefon liniyasiga kelib tushadi va DSLAM ga uzatiladi. Odatda, bitta DSLAM ga bir necha (ba’zida bir necha yuz) ulangan modemlar to‘g‘ri keladi.

NGN zamonaviy konsepsiyasida ATM texnologiyasi faqat xizmat sifatida saqlangan, ATM yacheykalari TCP/IP asosida ma’lumotlarga o‘zgartiriladi. Buning uchun abonent kirish zanjiri tarkibiga uzoqlashtirilgan keng polosali kirish serveri BRAS (Broadband Remote Access Server) kiritilgan. Bu qurilma keng polosali kirish intellektual boshqaruv uchun oxirgi IPmarshrutizatordir. BRAS paketli trafik ma’lumotlarini uzatish kanali sathida ADSL foydalanuvchilaridan kelib tushayotgan trafik parametrlarini boshqarish imkonini beradi. Masalan, foydalanuvchidan tarmoqqa ma’lumotlarni uzatish tezligini tartibga solish BRAS orqali amalga oshiriladi.
Hozirgi vaqtda DSL kirish tarmoqlari operatorlari to‘g‘ri va teskari trafikni cheklash uchun ATM kirish tugunlarida tezliklarning muqim profillaridan foydalanilib, buni BRAS siz realizatsiya qilish mumkin. Ammo moslashtiriladigan o‘tkazuvchanlik qobiliyatini taqdim qilish uchun nozikroq sozlanadigan mexanizmlar kerak bo‘ladi va bunday funksiyalarni oxirgi multipleksorsiz realizatsiya qilish murakkab.
ADSL texnologiyasining rivojlanishi turli funksiyalarni bajaruvchi to‘rtta texnologiyalar oilasining paydo bo‘lishiga olib keldi: ADSL,ADSL2,ADSL2+vaRE- ADSL2. ADSL texnologiyasida quyi liniya bo‘ylab maksimal uzatish polosasi 8 Mbit/s ga teng bo‘lib, Triple Play tizimlarining minimal talab qilingan tezligi 24 Mbit/s ni tashqil qiladi. Shu sababli standartlar modifikatsiya qilingan. Bir necha yangi algoritmlar ADSL strukturasini optimallashtirish va texnologiyaning texnik ko‘rsatkichlarini yaxshilash imkonini berdi. Shu tarzda ADSL2 texnologiyasi paydo bo‘ldi. Keyin ushbu texnologiya umuman boshqa-boshqa vazifalarni bajarish uchun karkas sifatida foydalanilgan. Bir tomondan, katta bo‘lmagan masofalarda uzatish tezligini oshirish talab qilinib, shu tezlikning o‘zida katta liniyalarda keng polosali kirishning shovqinbardoshligini oshirish kerak edi va bu RE-ADSL2 texnologiyasining paydo bo‘lishiga olib keldi.



9.8-rasm. ADSL texnologiyalar oilasining uzatish tezliklari taqqoslanishi

9.8-rasmda ko‘rib chiqilgan ADSL 4 ta texnologiyasi uchun keng polosali kirishning abonent liniyasi uzunligiga bog‘liqligi keltirilgan. Rasmdan ko‘rinib turibdiki, ushbu texnologiyalar uchun bir necha kritik nuqtalar mavjud. Birinchi nuqta 2,5 km uzunlikdagi abonent juftligiga muvofiq keladi. Uzunroq liniyalarda ADSL2+ va ADSL2 texnologiyalari o‘rtasidagi farq ko‘zga yaqqol tashlanadi. 5 km gacha uzunlikda barcha texnologiyalar teng kuchlidir va keyin RE-ADSL2 texnologiyasining afzalligi ko‘rinadi.Hozirgi vaqtda NGN tarmoqlarida oilaning to‘rtta texnologiyasi mavjud.