Атб “Қишлоқ қурилиш банк” томонидан янги тартиб доирасида Ўзбекистон Республикаси Молия

2. Асосий тушунчалар
2.1. Ушбу шартнома матнининг кейинги ўринларида учрайдиган барча атамалар (агар контекстдан бошқача маъно англанмаса) қуйидаги бўлимда баён қилинган тушунчаларни англатади:
ипотека кредити – бирламчи уй-жой бозоридан квартира сотиб олишга, сотиб олинадиган квартира гарови остида бериладиган узоқ муддатли кредит;
Қарз олувчи - квартира сотиб олиш учун ипотека кредити олган ва кредит шартномасида белгиланган шартларда қайтариш мажбуриятини олган жисмоний шахс;
Биргаликда қарз олувчи – қарз олувчининг ипотека кредити ва кредит бўйича фоизларнинг ҳар ойдаги тўловларида қатнашадиган, шунингдек ипотека кредити бўйича солидар жавоб берадиган жисмоний шахслар;
кредит бўйича таъминлаш – сотиб олинадиган кўп квартирали уй-жойдаги квартирани белгиланган тартибда гаровга қўйиш;
бошланғич бадал – сотиб олинадиган квартиранинг қийматининг камида 15 фоиз миқдорида ипотека кредити олиш учун қарз олувчи томонидан ўз маблағлари ва қонун ҳужжатларида тақиқланмаган бошқа манбалар ҳисобидан шакллантириладиган қисми;
субсидия – ипотека кредитлари асосида бирламчи уй-жой бозоридаги уй-жойни сотиб олиш учун бошланғич бадал ва кредит фоизининг бир қисмини қоплаш мақсадида давлат бюджетидан Қарз олувчи учун банкда унинг номига очилган тегишли ҳисобвараққа ўтказилган маблағлар;
бошланғич бадал учун субсидия – Қарз олувчига шаҳарларда ва қишлоқ жойларда қурилган уй-жойни ипотека кредити асосида сотиб олишда бошланғич бадалнинг бир қисмини қоплаш учун уй-жой ҳисобланган қийматининг 10 фоизи миқдорида Давлат бюджетидан Қарз олувчи номига банкда очилган тегишли ҳисобварағига ўтказилган маблағ;
фоиз учун субсидия – Қарз олувчига шаҳарларда ва қишлоқ жойларда қурилган уй-жойни сотиб олишда ипотека кредити фоизининг бир қисмини қоплаш учун Давлат бюджетидан Қарз олувчининг банкда очилган тегишли ҳисобварағига биринчи 5 йил давомида ўтказиладиган маблағ;
қонун асосидаги ипотека – кредит шартномаси бўйича Қарз олувчининг мажбуриятларини таъминлаш учун қўлланиладиган ипотека тури бўлиб, бунда қонун асосидаги ипотеканинг вужудга келишига олиб келувчи кредит шартномаси, қонун асосидаги ипотеканинг давлат рўйхатидан ўтказилиши учун асос бўлади;