Атаманинг ўзбек тилидаги номланиши Атаманинг инглиз тилидаги номланиши

12-Мавзу. Бошқарув ҳисобини ташкил қилиш.

12.1.Бошқарув ҳисобининг функциялари. Бошқарув ҳисобида ахборотлар тизими.
12.2.Бошқарув ҳисобида харажатларнинг таснифланиши ва мазмуни. Харажатлар ҳақида тушунча. Харажатларни туркумлаш.
12.3.Ишлаб чиқарилган маҳсулотлар бўйича таннархга қўшиладиган харажатларни умумлаштириш ва уларни тақсимлаш.
12.4. Харажатлар динамикаси ва уни назорат қилиш. Маҳсулот таннархини таркиби ва турлари. Жараёнли, буюртмали, босқичли таннарх ҳисоблаш усуллари.
12.5. Хақиқий ва норматив усуллар бўйича харажатлар ҳисоби ва таннарх ҳисоблаш. «Стандарт кост» ва «Директ костинг» усуллари.


Таянч иборалр: маҳсулот ишлаб чиқариш, мураккаблиги, тугалланмаган ишлаб чиқариш, харажат, харажатлар маркази, смета, бевосита ва билвосита материал харажатлар, таннарх, стандарт-кост, директ костинг, хақиқий ва норматив усул, асосий ва ёрдамчи ишлаб чиқариш


12.1.Бошқарув ҳисобининг функциялари. Бошқарув ҳисобида ахборотлар тизими.


«Бошқарув ҳисоби» фанининг предмети харажатлар ва маҳсулот таннархи калькуляцияси, жавобгарлик марказлари бўйича бошқарув ҳисобини ташкил этиш, бюджетлаштириш, истиқболда корхона тараўқиётини белгиловчи лойиҳалар таҳлили, сегментлар бўйича ҳисобот тузиш, самарали трансферт баҳоларини шакллантиришнинг назарий-услубий ҳамда ташкилий асосларини юритиш ҳисобланади.
Бошқарув ҳисоби - бу бозор муно­сабатлари зарурияти билан пайдо бўлган ва унинг турли бўғинларидаги таркибий тузилмаларининг фаолиятлари юзасидан тактик ва стратегик бошқарув қарорларини қабул қилиш учун харажатлар ва даромадлар тўғрисидаги ахборотни тақдим этувчидир.
Бошқарув ҳисобида ҳужжатлаштириш ва инвентаризация, баҳолаш ва калькуляция, счётлар ва иккиёқлама ёзув, балансда умумлаштириш ва ҳисобот каби молиявий ҳисоб усулларининг барча элементларидан фойдаланилади. Бундан ташқари, унда иқтисодий таҳлил, иқтисодий -математик ва статистик усуллар ҳам кенг қўлланилади.