Атаманинг ўзбек тилидаги номланиши Атаманинг инглиз тилидаги номланиши

3.1. Асосий воситалар ҳисобини ташкил қилишнинг вазифалари. Асосий воситаларни туркумларга ажратиш ва баҳолаш тартиби.
3.2. Асосий воситаларни қабул қилиш ва ҳужжатлаштириш. Капитал қўйилмаларни ҳисобга олиш.
3.3. Асосий воситаларнинг синтетик ҳисобини ташкил қилиш. Асосий воситаларга амортизация ҳисоблашнинг тартиби ва усуллари.
3.4. Асосий воситаларни таъмирлаш харажатларини ҳисобга олиш тартиби.
3.5. Асосий воситаларни хўжаликдан чиқариш ҳисоби. Лизинг (ижара) муомалаларини бухгалтерияда ҳисобга олиш.
3.6. Номоддий активлар ҳисобининг вазифалари. Номоддий активларни баҳолаш.
3.7. Номоддий активларни қабул қилишни ҳужжатлаштириш. Номоддий активларнинг аналитик ва синтетик ҳисобини ташкил қилиш.
3.8. Номоддий активларга амортизация ҳисоблашнинг тартиби ва усуллари. Номоддий активларни ҳисобдан чиқариш тартиби.


Таянч иборалар: асосий восита, лизинг (ижара), туркумларга ажратиш ва баҳолаш, синтетик ҳисоб, капитал қўйилмалар, амортизация ҳисоби, таъмирлаш, хўжаликдан чиқариш ҳисоби, 5-6 БҲМСлар, ижара шартнома, лизинг берувчи, лизинг объекти ва олувчи
номоддий актив, баҳолаш, қабул қилиш, ҳужжат, патентлар, лицензиялар ва ноу-хау, аналитик ва синтетик ҳисоби, амортизация ҳисоби, ҳисобдан чиқариш, 7-БҲМС

3.1. Асосий воситалар ҳисобини ташкил қилишнинг вазифалари.

Асосий воситалар узоқ муддат ўзининг табиий кўринишини сақлаб турадиган, эскирадиган ва ишлаб чиқарилаётган маҳсулот қийматига ўз қийматини аста-секин ўтказадиган меҳнат воситалари бўлиб, у узоқ (бир йилдан кўп) давр ичида моддий ишлаб чиқариш соҳасида, номоддий ишлаб чиқариш соҳасида, шунингдек, ижарага беришда фойдаланиладиган моддий активлардир.

Асосий воситалар ҳисоби қуйидаги асосий меъёрий хужжатлар билан тартибга солинади: «Маҳсулот (ишлар, хизматлар)ни ишлаб чиқариш ва сотиш харажатларининг таркиби ҳамда молиявий натижаларни шакллантириш тартиби тўғрисида»ги Низом, «Асосий воситалар» номли 5-сон БҲМС, «Хўжалик юритувчи субъектларнинг молия хўжалик фаолияти бухгалтерия ҳисоби счётлар режаси ва уни қўллаш бўйича Йўриқнома» 21-БҲМС, «Инвентаризацияни ташкил этиш ва ўтказиш» 19-сон БҲМС, «Ижара ҳисоби» 6-сон БҲМС, «Бухгалтерия баланси» 15-сон БҲМС ва бошқалар.