Atamalar izohi: Industrial sivilizatsiya

Tashqi siyosat. 1920 – 1930-yillari AQSH ning tashqi siyo satida juda muhim voqealar unchalik ko‘p bo‘lmadi. Ammo inqi roz tashqi siyosatga ham ta’sir ko‘rsatdi. 1933-yili Sovet Ittifoqi bilan diplomatik munosabatlar o‘rnatildi, shu yillari neytralitet haqi da hamda urushayotgan davlatlarga qurol yetkazib berish va kredit ajratishni taqiq lash to‘g‘risida qonunlar qabul qilindi. Bu paytda Ispaniyada fuqarolar urushi ketayotgan edi va AQSH neytralitetga qat’iy rioya qildi. Ikkinchi jahon urushi bosh languncha izolatsionizm AQSH hukumatining ustuvor siyosati bo‘lib qoldi. Faqat 1941-yil 7-dekabr kuni Yaponiya floti Pyorl-Xarborga – AQSH flotining Tinch okeanidagi asosiy bazasiga hujum qilgandan so‘nggina AQSH Ikkinchi jahon urushiga qo‘shildi. Keyinchalik Franklin Ruzvelt neytralitet haqidagi qonun va izola tsionizm siyosati xato bo‘lganligini tan olgan edi.
Atamalar izohi:
Patefon – plastinkaga yozib olingan musiqa va qo‘shiqni qayta eshittiruvchi qurilma.
Individualizm – alohida shaxs manfaatlarini jamiyat manfaatlaridan ustun qo‘yishga qaratilgan nazariya.
Liberalizm – parlamentarizm, demokratik erkinliklar va xususiy tadbirkorlik tarafdorlarini birlashtirgan ijtimoiy-siyosiy oqim.
Neytralitet – davlatlar o‘rtasida olib borilayotgan urushga qo‘shilmaslik imkonini ta’minlovchi huquqiy maqom.
Izolatsionizm – biron-bir davlatning xalqaro muammolarni hal qilishda ishtirok etishdan bosh tortish siyosati. Ko‘pincha, AQSHning ikkinchi jahon urushigacha bo‘lgan siyosatiga nisbatan qo‘llaniladi.
Mustahkamlash uchun savol va topshiriqlar
1. Birinchi jahon urushining natijalari AQSHning iqtisodiy rivojlanishi va jahon siyosatidagi o‘rniga qanday ta’sir ko‘rsatdi?
2. 1929 – 1933-yillardagi iqtisodiy inqiroz AQSH iqtisodi va ijtimoiy siyosatida qanday iz qoldirdi?
3. AQSH inqirozdan chiqishning qanday yo‘lini tanladi?
4. Inqirozdan so‘ng AQSH tashqi siyosatida qanday o‘zgarishlar yuz berdi?