Атаксин тўғри танлов яхши

Қўллаш усули ва давомийлиги:
Мушак ичига инъекция қилиш учун цефотаксим стерил инъекция учун сув билан 1 г учун 4 мл ва 2 г учун 10 мл миқдорида эритилади. Вена ичига инфузиясида 1 г ёки 2 г препарат 40-100 мл стерил инъекция учун сув ёки инфузион эритмада эритилади. Эритманинг инъекцияси цефотаксимни марказий веноз катетер орқали юборилганда, ҳаётга хавф солувчан аритмия ривожланиши мумкинлиги сабабли, аста-секин 3-5 минут давомида юборилиши лозим.
Мушак ичига юборишда флакондаги цефотаксим инъекция учун сувда ёки лидокаиннинг 1% эритмасида эритилиши мумкин. Лидокаин ишлатилган ҳолларда препаратни вена ичига юбориш қатъий ман этилади. Даволаш курсининг давомийлиги шахсий равишда белгиланади.
Ножўя таъсирлари:
Анафилактик реакциялар: ангионевротик шиш, бронхоспазм, ҳолсизлик, кам ҳолларда анафилактик шок.
Тери реакциялари: тошма, қизариш, уртикариялар. Бошқа цефалоспоринларда бўлгани каби, баъзида кўп шаклли эритема, Стивенс-Джонсон синдроми, терининг токсик некрози каби асоратлар ривожланиши мумкин.
Меъда-ичак реакциялари: кўнгил айниши, қусиш, қоринда оғриқ, диарея юзага келиши мумкин. Кенг таъсир доирасига эга бошқа антибиотикларни буюрилганда бўлгани каби, диарея энтероколитнинг белгиси бўлиши мумкин, бу кўпгина ҳолларда аҳлатда қоннинг пайдо бўлиши билан бирга кечади. Энтероколитнинг асосий шакли бўлиб, сохта мембраноз колит ҳисобланади (“Махсус кўрсатмалар” бўлимига қаранг).
Жигар томонидан реакциялар: жигар ферментлари (АЛТ, АСТ, ЛДГ гамма-ГТ, ИФ) нинг ва/ёки билирубин даражасини ошиши.
Периферик қон томонидан реакциялар: нейтропения, кам ҳолларда агранулоцитоз, эозинофилия, тромбоцитопения, якка ҳолларда гемолитик анемия.
Буйрак томонидан реакциялар: буйрак фаолиятининг ёмонлашиши (креатинин даражасининг ошиши), айниқса, аминогликозидлар билан бирга қўланилганида кам ҳолларда интерстициал нефрит ҳоллари кузатилган.
Марказий асаб тизими (МНТ) томонидан реакциялар: энцефалопатия (айниқса, буйрак етишмовчилиги бўлган беморларга катта дозалар юборилган ҳолатда).
Юрак-қон томир тизими томонидан реакциялар: якка ҳолларда, марказий веноз катетер орқали болюс йўли билан юборилганда аритмия (“Қўллаш усули ва давомийлиги” бўлимига қаралсин).
Бошқалар: ҳарорат, инъекция жойида яллиғланиш, суперинфекция.