Ат саноати корхоналари фаолиятини самарали ривожлантириш

Тадқиқотнинг усуллари. Тадқиқот жараёнида умумлаштириш ва гуруҳлаш усуллари, қиёсий ва динамик таҳлил, тизимли ёндашув, иқтисодий-математик, монографик, башоратлаш ва мантиқий ёндашув каби усуллардан кенг фойдаланилган.
Тадқиқотнинг илмий янгилиги қуйидагилардан иборат:
озиқ-овқат корхоналарида маҳсулот ишлаб чиқариш самарадорлигини «ресурстежамкорлик коэффициенти» (K_r) (ресурсларнинг ортиқча сарфланганлиги - K_r>1, ресурслар тежалганлиги - K_r<1) ва «технологиянинг инновационлик даражаси» (I_d) кўрсаткичлари асосида аниқлаш бўйича услубий ёндашув тавсия этилган;
“Янги Тошкент консерва” ва “Меҳнат агрофирмаси” масъулияти чекланган жамиятларида маҳсулот қийматини яратиш занжирини лойиҳалаш (натижавийлигини баҳолаш, даромадлилигини таҳлил қилиш, оптимал вариантини танлаш) босқичлари ишлаб чиқилган ҳамда қўшилган қиймат сифатини баҳолаш услуби такомиллаштирилган;
“Янги Тошкент консерва”, “Меҳнат агрофирмаси”, “Asven Distilleres” ва “Asianjam” каби озиқ-овқат саноати корхоналари фаолиятини ривожлантириш мақсадида Тошкент вилоятида инновацион кластерни ташкил этиш механизми тавсия этилган;
озиқ-овқат саноати корхоналарида иш ҳақи фонди, асосий воситалар ва номоддий активлар амортизацияси ҳамда ялпи маҳсулот омилларини ҳисобга олган ҳолда регрессия модели асосида 2027 йилга қадар прогноз кўрсаткичлари ишлаб чиқилган.
Тадқиқотнинг амалий натижалари қуйидагилардан иборат:
озиқ-овқат саноати корхоналарида «ресурстежамкорлик коэффициенти» ва технологиянинг инновационлик даражаси» кўрсаткичларини киритиш асосида иқтисодий самарадорликни баҳолаш бўйича тавсиялар ишлаб чиқилган;
озиқ-овқат саноати корхоналарини самарали ривожлантиришда кластерни ташкил этишни амалга ошириш йўллари кўрсатиб берилган;
озиқ-овқат саноати корхоналарида иш ҳақи фонди, асосий воситалар ва номоддий активлар амортизацияси ҳамда ялпи маҳсулот омилларини ҳисобга олган эконометрик модел асосида прогноз кўрсаткичлари аниқлаш тавсия қилинган.