Ат “Пахта Банк”

2. ТАРАФЛАРНИНГ ҲУҚУҚ ВА МАЖБУРИЯТЛАРИ

1. 
   “КАФИЛ” қуйидаги мажбуриятларни олади:
   

-қарз олувчи кафиллик билан таъминланган мажбуриятни бажармаганда ёки лозим даражада бажармаганда банк талабларига биноан кредит асосий қарзи ва ҳисобланган фоизларни қарз олувчининг кредит шартномасидаги мажбуриятида белгиланган муддатлар ва миқдорларда банкка тўлаш;
-“БАНК” олдида қарз олувчи сифатида тўлиқ ҳажмда жавоб бериш, шу жумладан, фоизларни тўлаш, қарзни қайтариш бўйича суд чиқимларини ҳамда қарз олувчининг мажбуриятини бажармаслиги ёки тегишлича бажармаслиги туфайли “БАНК” кўрган бошқа зарарларни тўлаш, кредит ҳамда унга ҳисобланган пеня ва фоизларни тўлаш ҳақидаги талабини сўзсиз ижро қилиш;
-пул маблағлари бўлмаса ёки етарли бўлмаса “КАФИЛ” кредит бўйича тўловлар ва унга ҳисоблаб ёзилган фоизларни ликвидли мол-мулки билан тўлаш;
-кредит шартномасидаги мажбурият бажарилмаганда ёки лозим даражада бажарилмаган ҳолатда банкда мавжуд бўлган барча ҳисобварақларидаги маблағлар ҳисобидан мемориал ордер билан ҳамда ишлоётган корхона орқали ойлик иш ҳақи ва унга тенглаштирилган тўловлар, пластик карточкасидаги, омонат ёки депозитдаги ҳар қандай маблағлар ҳисобидан ҳамда бошқа банклардаги ҳисобварақларидан кафилнинг рухсатисиз (акцептсиз) ундириб олинишига эътироз билдирмаслик ва ушбу ҳолат “КАФИЛ” томонидан акцептланган деб ҳисобланиши.

2. 
   “КАФИЛ” қуйидагиларга ҳақлидир:
   

-қарз олувчининг банк олдидаги мажбуриятларини бажаргандан сўнг қарз олувчидан барча қилинган харажатларни “КАФИЛ” банк талабини қондирган ҳажмда тўлашни талаб қилиш;
-қарз олувчидан фоизларни банкка тўланган суммада тўлашни ва қарз олувчи учун жавобгарлик муносабати билан кўрилган бошқа зарарлар ўрнини қоплашни талаб қилиш;
-қарз олувчи томонидан кредит мажбуриятларининг бажарилиши тўғрисида банкдан маълумот талаб қилиш;

3. 
   Қарз олувчи қуйидаги мажбуриятларни олади:
   

-Банк олдидаги кафиллик билан таъминланган ўз мажбуриятларини бажариш пайтида бу ҳақда дарҳол “КАФИЛ”га маълум қилиш;
-“КАФИЛ”га унинг барча қилган чиқимларини “КАФИЛ” банк талабини қондирган ҳажмда тўлаш.

4. 
   “ҚАРЗ ОЛУВЧИ” қуйидагиларга ҳақлидир:
   

-“КАФИЛ”га нисбатан даъво тақдим этилганда ишда иштирок этиш;
-кафиллик шартномаси бўйича даъвони кўришда банк талабига қарши эътирозлар билдириш.

5. 
   “ҚАРЗ ОЛУВЧИ” томонидан ушбу шартноманинг 2.3. бандида белгиланган “КАФИЛ” олдидаги мажбуриятларининг бажармаслиги ёки лозим даражада бажармаслиги “КАФИЛ” нинг “БАНК” олдидаги ушбу шартноманинг 2.1. бандида белгиланган мажбуриятларидан озод этмайди.
   
6. 
   “БАНК” қуйидаги мажбуриятларга эга:
   

- “КАФИЛ”га қарздор томонидан кредит мажбуриятлари бажарилиши тўғрисида маълумот тақдим этиш.

7. 
   “БАНК” қуйидаги ҳуқуқларга эга:
   

-кредит мажбуриятлари бажарилмаганда ёки лозим даражада бажарилмаганда тезкорлик билан “КАФИЛ” ва қарз олувчидан қарздорликни қайтаришни талаб қилиш, унинг талаби бир ойлик муддат ичида бажарилмаганда қарз мажбуриятларини қонунда белгиланган тартибда мажбурий ижро қилдириш;
-қарз олувчи томонидан кредит шартномасидаги мажбурият бажарилмаганда ёки лозим даражада бажарилмаган ҳолатда “КАФИЛ”нинг банкда мавжуд бўлган барча ҳисобварақларидаги маблағлар ҳисобидан мемориал ордер билан унинг розилигисиз ундирувни амалга ошириш. Шунингдек, ойлик иш ҳақи ва унга тенглаштирилган тўловлар ҳисобдан ундириш мақсадида кафил ишлаётган ташкилотларига тўлов талабномасини қўйиш.