Astanaqulova zuhraxon baxtiyorjon qizi

Innovatsion ta’lim – bu ta’lim oluvchida yangi g’oya, me’yor, qoidalarni yaratish, o’zga shaxslar tomonidan yaratilgan ilg’or g’oyalar, me’yor, qoidalarni tabiiy qabul qilishga oid sifatlar, malakalarni shakllantirish imkoniyatini yaratadigan ta’limdan iborat. Innovatsion ta’lim jarayonida qo’llaniladigan texnologiyalar innovatsion ta’lim texnologiyalari yoki ta’lim innovatsiyalari deb nomlanadi.
Ta’lim innovatsiyalari – bu ta’lim sohasi yoki o’quv jarayonida mavjud muammoni yangicha yondashuv asosida yechish maqsadida qo’llanilib, avvalgidan ancha samarali natijani kafolatlay oladigan shakl, metod va texnologiyalardir. Ta’lim innovatsiyalari “innovatsion ta’lim” deb ham nomlanadi.
Ta’lim-tarbiya jarayonini tashkil etishda quyidagi innovatsion ta’limning:
-innovatsion harakterdagi shakllari (amaliy o’yinlar, muammoli o’qitish, interfaol tahlim, modulli-kredit tizimi, blended learning (aralash o’qitish), masofali o’qitish, mahorat darslari);
-innovatsion harakterga ega ta’lim metodlari(interfaol metodlar, “Sase-study” (Keys-stadi) va assesment);
-innovatsion harakterdagi o’qitish vositalari(mobil telefon, kompyug’ter, internet, proektor, elektron doska va vebinar texnologiyalar)dan innovatsion yondashuv asosida foydalaniladi.
Innovatsion ta’lim tushinchasi - bu mohiyatiga ko’ra dars jarayoniga yangilik kiritishning dinamik tizimidir.
Ushbu dinamik tizim sifatida yangilik kiritish jarayoni birinchidan ichki mantiqini, ikkinchidan kiritilayotgan yangilikning muayyan vaqt oralig’ida rivojlanishi va atrof-muhitga ko’rsatadigan o’zaro ta’sirini o’zida ifoda etar ekan.
Har qanday innovatsiyada “yangi”, “yangilik” tushunchalari muhim ahamiyatga ega bo’lib, bu kabi yangiliklarning mazmuni xususiy, subyektiv, mahalliy va shartli yangilik tarzida namoyon bo’ladi.