Ассалому Алейкум ҳурматли Президент

2021/2022 йиллар куз-қиш мавсумини беталофат ўтказиш бўйича амалга ошириладиган чора-тадбирлар натижадорлиги юзасидан манфаатдор вазирликлар ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари раҳбарларининг шахсий масъулияти тўғрисида.
Ассалому Алейкум ҳурматли Президент,

Бухоро вилоятида Ўзбекистон Республикаси Вазирлар Маҳкамасининнг 2021 йил 17 сентябрдаги 576-сонли “Иқтисодиёт тармоқлари, ижтимоий соҳа объектлари ва кўп квартирали уй-жой фондини 2021/2022 йиллар куз-қиш даврида барқарор ишлашга тайёрлашни таъминлаш чора-тадбирлари тўғрисида”ги қарори асосида, ўтган йил куз-қиш мавсумида йўл қўйилган камчиликлардан келиб чиқиб вилоятда иқтисодиёт тармоқлари, ижтимоий соҳа объектларида куз-қиш мавсумида тайёргарлик кўриш ишлари олиб борилди.

Жумладан, вилоят ҳокимининг 2021 йил 29 сентябрдаги
105-2-0-Q/21-сонли қарори асосида “Вилоятда иқтисодиёт тармоқлари, ижтимоий соҳа объектлари ва кўп квартирали турар жой фондини 2021/2022 йиллар куз-қиш даврида барқарор ишлашга тайёрлашни мувофиқлаштириш бўйича вилоят комиссияси” таркиби тасдиқланиб жорий йилда мавсумга тайёргарлик кўриш жараёнида дастурда белгиланган тадбирлар амалга оширилди:
Мазкур қарор билан вилоятда мавжуд ижтимоий соҳа объектлари, хусусан умумий таълим мактаблари, мактабгача таълим муассасалари, соғлиқни сақлаш ташкилотлари, оллий ва ўрта махсус таълим муассасалари тўлиқ қамраб олинди ва мавсумга тайёргарлик тадбирлари амалга оширилди.
174 та ижимоий соҳа объектларида жумладан, 65 та умумтаълим мактаблари, 8 та мактаб интернатлари, 65 та мактабгача таълим, 30 та соғлиқни сақлаш ҳамда 3 та олий таълим муассасаларида режали мукаммал таъмирлаш ишлари амалга оширилди. Ушбу таъмирлаш ишларига вилоят маҳаллий бюджетидан 26,3 млрд.сўм маблағлар йўналтирилди.
Хусусан,
Умумий ўрта таълим мактабларни мавсумга тайёрлаш мақсадида маҳаллий бюджетдан ажратилган 9,4 млрд.сўм маблағлар ҳисобидан 71 та мактабларда мактабларда мавсумга тайёргарлик кўриш ишлари олиб борилди, 8 та мактабларнинг том қисми таъмирланиб, 23 та мактабларда 1505 та эшик ва деразалар алмаштирилди.
Шунингдек 5 та умумтаълим мактабларидаги 20 та иситиш қозонлари таъмирланиб, 10 та умумтаълим мактабларидаги маънан эскирган 23 та иситиш қозонлари янги замонавий энерготежамкор қозонларга алмаштирилди.
Шу билан бир қаторда, Мактабгача таълим муассасаларни мавсумга тайёрлаш мақсадида маҳалий бюджетдан 11,6 млрд.сўм маблағлар ҳисобидан 44 та мактабгача таълим муассасаларининг иссиқлик сув тармоқлари, 5 та муассаларнинг том қисми таъмирланди, 31 та боғчалардаги таъмирталаб 1299 та эшик ва деразалари алмаштирилди ва таъмирланди.