Ассалому алейкум ҳурматли ҳамкасабалар ва устозлар!

ЛОЙИҲА” методи – таълим олувчиларнинг инвидуал ёки гуруҳларда белгиланган вақт давомида, белгиланган мавзу бўйича ахборот йиғиш, тадқиқот ўтказиш ва амалга ошириш ишларини олиб боришидир. Бу методда таълим олувчилар режалаштириш, қарор қабул қилиш, амалга ошириш, текшириш ва хулоса чиқариш ва натижаларни баҳолаш жараёнларида иштирок этадилар
“РЕЗЮМЕ” методи – ўқувчи-талабаларни бирор мавзунинг ижобий ва салбий томонилари, афзаллик ва камчиликлари, фойда ва зарарларини белгилашни ўрганади. Технологиянинг моҳияти шундан иборатки, бунда мавзунинг турли тармоқлари бўйича бир йўла ахборот берилади. Айни пайтда, уларнинг ҳар бири алоҳида нуқталардан муҳокама этилади. Масалан, ижобий ва салбий томонлари, афзаллик, фазилат ва камчиликлари, фойда ва зарарлари белгиланади.
Хулоса қилиб шуни айтиш мумкинки, фан ва техниканинг жадал ривожланиши мустақил мамлакатимизда саноат ва қишлоқ хўжалиги қиёфасини тубдан ўзгартириб юбормоқда. Ҳозирги замон ишлаб чиқаришидаги кўпгина касблар фақат маълумотли кишиларгина эмас, юксак ривожланган, ижодий қобилиятга эга мустакил фикрлай оладиган касб эгаларини жалб қилишни талаб қилмоқда.
Шундай экан, малакали кадрлар тайёрлаш жараёнининг ҳар бир босқичида таълимни самарали ташкил этиш, уни юқори босқичларга кўтариш борасида муайян вазифаларни амалга ошириш лозим.
Олий ўқув юрти ўзининг юқори илмий савияси билан ўрта таълимдан фарқланади. Фанни ўрганиш фанда эришилган замона­вий ютуқларни амалиёт билан боғлаш, долзарб муаммоларни аниқлаш, уларнинг ечимини топишга йўналтириш билан ажралиб туради.
Шунинг учун кўпроқ талабаларни ўйлашга ундайдиган дарс ўтиш методларини қўллаш муҳим аҳамиятга эга.
Таълим жараёнига янги педагогик технологияларни қўллаш борасида академик лицей ва касб-ҳунар коллежларида таълим кўпроқ мавжуд билимларни ўзлаштиришга қаратилса, олий таълимда эса кўпроқ ижодий изланувчанликка қаратилиши мақсадга мувофиқдир.
Ўқитувчи янги фанни ўрганишни ёки янги мавзуни ўтишни бошлар экан, албатта уларга тааллуқли, ахборотни қайта тиклаши ҳамда янги фанни, мавзуни ўзлаштириш учун асос ҳосил қилишини таъминлайдиган методларни танлаши зарур. Бунда шу ёшдаги ўқувчи, талабаларни қизиқтирадиган савол, муаммоли вазиятнинг яра­тилиши уларни фанни, мавзуни ўрганишга қизиқишини ва фаоллигини кучайтиради.
Мутахассислик фанларини ўқитишда муаммоли вазиятларга асосланган педагогик технологиялари (кейс стади, балиқ склети, лойиҳа, нилуфар гули методи) дан фойдаланиш, талабаларни фикрлашга, муаммоларни ҳал этиш кўникмаларини хосил қилишга, кашфиётларга интилиш, ҳамкорлик ва шериклик сифатларини шакллантиришга, ўқитувчи томонидан берилган вазифаларни ҳал этиш режасини тузишга ва энг асосийси талабалар олдига қўйилаётган муаммони ҳал қилишга, уни мустақил мухокама қилишга қодир қилиб таълим ва тарбия бериш имкониятини яратади.