Асоснома мавзунинг долзарблиги

Самарқанд Давлат Университети мактабгача таълим назарияси ва методикаси кафедраси Магистранти Адилова Мадинa Шамсиддиновнанинг магистрлик даражасини олиш бўйича диссертацияси мавзуси сифатида танлаган “МТТда болаларда нарсаларнинг катталиги ва шакли оркали математик тасаввурларни шаклллантириш” мавзунинг долзарблиги ҳақида


АСОСНОМА
Мавзунинг долзарблиги. Жаҳон миқёсида олиб борилаётган илмий-амалий тадқиқотларнинг бир қисми ёш авлодга таълим бериш сифат ва самарадорлигини ошириш ва уларни амалда қўллаш жараёнларни ўрганишга бағишланган. Билимларнинг глобаллашув шароитларида инновацион педагогик технологияларни ўқув жараёнида фойдаланиш муаммолари математик тасаввурларни шакллантириш назарияси ва методикаси асосий вазифларида қаторига киради. Бундан ташқари, МТТларида таълим жараёнида аниқ фанларни ўқитиш, жумладан, Математик тасаввурларни шаклллантириш назарияси ва методикаси фанини ўқитиш сифатини ошириш дунё олимлари ва услубчилари томонидан эътироф этилиб, илмий-тадқиқотларда бу муаммоларни ҳал қилишнинг самарали усул ва воситалари ишлаб чиқилмоқда. Президентимизнинг 2020 йилни илм, маърифатни ва рақамли иқтисодиётни ривожлантириш йили деб эълон қилганлиги ҳамда 31 январь куни бир қатор фан соҳалари олимлари билан учрашувида математика ўқитишни жаҳон андазалари даражасига кўтариш лозимлиги ҳақидаги кўрсатмаларидан келиб чиқиб, ёш авлодга математик тасаввурларни шакллантириш билимларни бериш усуллари ва ёндашувларини такомиллаштириш вазифалари келиб чиқади. Шуларни ҳисобга олган ҳолда, МТТлари тизимида математик тасаввурларни шакллантириш фанини Катталик ва шакли оркали математик тасаввурларни шакллантириш назарий асосларини ишлаб чиқиш ва амалиётга тадбиқ қилиш масалаларини ўрганиш ўрганиш муҳим аҳамиятга эга.
Ўзбекистон Республикаси Президентининг 2017 йил 17 февралдаги ПҚ-2789-сон «Фанлар академияси фаолияти, илмий-тадқиқот ишларини ташкил этиш, бошқариш ва молиялаштиришни янада такомиллаштириш чора-тадбирлари тўғрисида»ги ва 2017 йил 20 апрелдаги ПҚ-2909-сон «Олий таълим тизимини янада ривожлантириш чора-тадбирлари тўғрисида»ги Қарорлари ҳамда мазкур фаолиятга тегишли бошқа норматив-ҳуқуқий ҳужжатларда белгиланган вазифаларни амалга оширишга ушбу диссертация тадқиқоти муайян даражада хизмат қилади.