“Asosiy texnologik jarayonlar va qurilmalar”

Barabanli quritkichni texnologik hisobi

Ushbu qurilmalar atmosfera bosimida uzuluksiz ravishda turli sochiluvchan va donasimon materiallarni tutunli gazlar yoki issiq xavo bilan quritish uchun ishlatiladi. Ular slindirsimon korpusdan iborat bo‘lib, gorizontga nisbatan juda kichik og‘ish burchakda joylashtiriladi. Baroban ikki rolikli tayanchlarga joylashtirilgan bo‘lib, elektrodvigatel va reduktor yordamida aylantiriladi. Aylanish soni 5-8ayl/min. Baraban ichida nasadkalar o‘rnatilgan bo‘lib, ular fazalararo kontakt yuzasini oshirish uchun qo‘llaniladi. Nasadkalar barabanning ko‘ndalang kesimi bo‘yicha materialni bir me’yorda tarqatish va aralashtirishni ta’minlaydi. Material va qurituvchi agent bir-biriga nisbatan to‘g‘ri yo‘nalishda berilsa, barabanning ichida material o‘ta qizib ketmaydi, chunki bu sharoitda yuqori temperaturali isituvchi agent katta namlikka ega bo‘lgan material bilan kontaklashadi. Barabanli quritgichlar uzunligi L va tashqi diametr D bo‘yicha tanlanadi.

9.1-rasm. Barabanli quritgichning prinsipial sxemasi.
1-bunker, 2-ta’minlagich, 3-qurituvchi baraban, 4-o‘txona, 5- aralashtirish kamerasi, 5,7,11 – ventilatorlar, 8- oraliq bunker, 9- transporter, 10- siklon, 12- tishli uzatma.
Nam material bunker 1 dan ta’minlagich 2 orqali aylanib turgan baraban 3 ga beriladi. Material bilan bir xil yo‘nalishda barabanga qurutuvchi agent beriladi. U yoqilg‘i o‘txonasi 4 da yonishida hosil bo‘lgan gazlarni aralashtirish kamerasi 5 da havo bilan aralashtirish natijasida hosil bo‘ladi. Havo o‘txona va aralashtirish kamerasiga ventilatorlar 6 va 7 yordamida beriladi.
Quritilgan material barabanning boshqa tomonidan bunker 8 ga tushadi va undan transporter 9 ga o‘tadi.
Ishlatilgan gazlar atmosferaga chiqarib yuborishdan avval mayda zarrachalardan siklon 10 da tozalanadi va kerak bo‘lsa yana qo‘shimcha tozalanadi.
Qurituvchi agent baraban orqali ventilator 11 yordamida uzatiladi. Uzatilish davrida uncha katta bo‘lmagan siyraklanish hosil bo‘ladi va bu esa qurituvchi agentning barabanli quritgich teshiklari orqali yo‘qotilishiga yo‘l qo‘ymaydi.
Baraban elektrodvigatel va tishli uzatma 2 yordamida aylantirib turiladi.
Barabanning ichida materialni bir me’yorda tarqatish, aralashtirish va yo‘naltirish uchun nasadka joylashtirilgan (39.47,48, 72, 75). Quritilayotgan material donalarining o‘lchamiga va xossalariga qarab har-xil nasadkalardan foydalaniladi. Katta bo‘lakli va qovishib qolish xususiyatiga ega bo‘lgan materiallarni quritishda ko‘taruvchi parrakli nasadkalar, yomon sochiluvchan va katta zichlikka ega bo‘lgan katta bo‘lakli materiallarni quritish uchun sektorli nasadka; kichik bo‘lakli, tez sochiluvchan materiallarni quritishda tarqatuvchi nasadka ishlatiladi; mayda qilib ezilgan, chang hosil qiluvchi kukun materiallarni berk yacheykali, dovonsimon nasadkalar bo‘lgan barabanlarda quritish maqsadga muvofiqdir. Ayrim sharoitlarda murakkab nasadkalardan foydalansa ham bo‘ladi (8.2-rasm).