Asosiy qoidalar

413-modda. Fuqaroviy da’vogar yoki fuqaroviy javobgarning sud majlisiga kelmasligi
oqibatlari
Fuqaroviy da’vogar yoki uning vakili sud majlisiga kelmagan taqdirda, sud fuqaroviy da’voni
ko‘rmaydi; bu holda mulkiy zarar ko‘rgan shaxsning fuqaroviy sud ishlarini yuritish tartibida da’vo
qilish huquqi saqlanadi.
Sud fuqaroviy da’voni fuqaroviy da’vogarning iltimosiga ko‘ra uning ishtirokisiz ko‘rishga
haqlidir.
Basharti fuqaroviy da’voni prokuror quvvatlasa yoki sud uni ko‘rish zarur deb topsa, fuqaroviy
da’vogar yoki uning vakili kelish-kelmasligidan qat’i nazar, sud fuqaroviy da’voni ko‘raveradi.
Fuqaroviy javobgar yoki uning vakilining sud majlisiga kelmasligi fuqaroviy da’voni ko‘rishni
to‘xtatmaydi.
Oldingi
 tahrirga qarang.
414-modda. Sud muhokamasining doirasi
Sudda jinoyat ishini muhokama qilish faqat ayblanuvchilarga nisbatan va e’lon qilingan
ayblov bo‘yicha olib boriladi.
Tayinlangan jazoning yengilligi yoki og‘irroq jinoyatga doir qonunni qo‘llash zarurligi tufayli
apellatsiya instansiyasi sudining hukmi, ajrimi kassatsiya instansiyasi sudi tomonidan bekor
qilinganidan keyin ish ko‘rib chiqilgan hollarda, apellatsiya instansiyasi sudida muhokama
sudlanuvchining umuman aybdorligi yoki aybdor emasligi to‘g‘risidagi masalaga daxl qilmagan
holda, faqat jinoyatni tavsiflashga va jazo chorasiga oid qism bo‘yicha amalga oshiriladi.
(414-modda O‘zbekiston Respublikasining 2021-yil 12-yanvardagi O‘RQ-664-sonli 
Qonuni 
tahririda —
Qonun hujjatlari ma’lumotlari milliy bazasi, 13.01.2021-y., 03/21/664/0014-son)
415-modda. Ayblovning sud tomonidan o‘zgartirilishi
Sud ayblovni o‘zgartirishga haqli. Bunda ayblovning bir qismi yoki jinoyatning tavsifiy
alomatlari chiqarib tashlanadi.
Oldingi
 tahrirga qarang.
Sud surishtiruvda, dastlabki tergovda e’lon qilingan ayblovni ushbu Kodeksning 
416
va
417-
moddalarida 
nazarda tutilgan tartibda o‘zgartirishga yoki to‘ldirishga haqli.
(415-moddaning ikkinchi qismi O‘zbekiston Respublikasining 2017-yil 6-sentabrdagi O‘RQ-442-sonli
Qonuni 
tahririda — O‘R QHT, 2017-y., 36-son, 943-modda)
Oldingi
 tahrirga qarang.