Asosiy qoidalar

536 -modda. Mahkumni amnistiya aktiga asosan jazodan ozod qilish tartibi
Oldingi
 tahrirga qarang.
Mahkumni amnistiya aktiga asosan asosiy va ijro etilmagan qo‘shimcha jazodan to‘liq yoki
qisman ozod qilish yoxud jazodan muddatidan ilgari shartli ravishda ozod qilish yoki unga
tayinlangan jazoning o‘talmay qolgan qismini yengilroq jazo bilan almashtirish prokurorning
iltimosnomasiga binoan mahkumning jazoni o‘tash joyidagi jinoyat ishlari bo‘yicha tuman (shahar)
sudining, hududiy harbiy sudning sudyasi tomonidan amalga oshiriladi.
(536 -moddaning matni O‘zbekiston Respublikasining 2018-yil 29-yanvardagi O‘RQ-463-sonli 
Qonuni
tahririda — Qonun hujjatlari ma’lumotlari milliy bazasi, 30.01.2018-y., 03/18/463/0634-son — 2018-yil 1-apreldan
kuchga kiradi)
537-modda. Ozodlikdan mahrum etish jazosiga hukm qilingan shaxslarni saqlash
sharoitini jazoni o‘tash vaqtida o‘zgartirish
Oldingi
 tahrirga qarang.
Qonunchilikda nazarda tutilgan asoslarga muvofiq mahkumni jazoni ijro etishning bir tartibli
koloniyasidan boshqa tartibli koloniyasiga, turmadan koloniyaga va koloniyadan turmaga o‘tkazish
jazoni ijro etish muassasasi ma’muriyatining taqdimnomasiga binoan, shuningdek mahkumning
yoki uning himoyachisining iltimosnomasiga ko‘ra sudya tomonidan amalga oshiriladi.
(537-moddaning birinchi qismi O‘zbekiston Respublikasining 2021-yil 21-apreldagi O‘RQ-683-sonli
Qonuni 
tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Sudya jazoni ijro etishning bir tartibli koloniyasidan boshqa tartibli koloniyasiga, turmadan
koloniyaga, koloniyadan turmaga o‘tkazishni rad etsa, bu masala yuzasidan kiritilgan taqdimnoma
yoki iltimosnoma rad qilish haqida qaror chiqarilgan kundan boshlab kamida olti oy o‘tgach qayta
ko‘rib chiqilishi mumkin.
Oldingi
 tahrirga qarang.
Qonunchilikda nazarda tutilgan asoslarga muvofiq mahkumni tarbiya koloniyasidan jazoni
ijro etish koloniyasiga o‘tkazish tarbiya koloniyasi ma’muriyatining voyaga yetmaganlar ishlari
bo‘yicha idoralararo komissiya bilan kelishilgan taqdimnomasiga binoan sudya tomonidan amalga
oshiriladi.
(537-moddaning uchinchi qismi O‘zbekiston Respublikasining 2021-yil 21-apreldagi O‘RQ-683-sonli
Qonuni 
tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Oldingi
 tahrirga qarang.
O‘n sakkiz yoshga to‘lgan mahkumni tarbiya koloniyasidan jazoni ijro etish koloniyasiga
o‘tkazish masalasini hal etishda sudya uning tuzalish darajasini hisobga olishi lozim. Mahkum
1
1

---

tarbiya koloniyasida jazoni o‘tash muddatini davom ettirish uchun uzog‘i bilan yigirma bir yoshga
to‘lgunga qadar qoldirilishi mumkin.
(537-moddaning to‘rtinchi qismi O‘zbekiston Respublikasining 2014-yil 4-sentabrdagi O‘RQ-373-sonli
Qonuni 
tahririda — O‘R QHT, 2014-y., 36-son, 452-modda)