Asosiy qoidalar

427-modda. Sud majlisining bayonnomasi yuzasidan mulohazalar berish va ularni ko‘rib
chiqish tartibi
Oldingi
 tahrirga qarang.
Sud majlisi bayonnomasi imzolanganidan keyin besh sutka ichida taraflar shu bayonnoma va
sud majlisining audioyozuvi yuzasidan o‘z mulohazalarini berishga haqlidirlar. Mulohazalarni raislik
qiluvchi ko‘rib chiqib, ularga qo‘shilgan taqdirda ularning to‘g‘riligini tasdiqlaydi va sud majlisi
bayonnomasiga qo‘shib qo‘yadi.
(427-moddaning birinchi qismi O‘zbekiston Respublikasining 2021-yil 12-yanvardagi O‘RQ-664-sonli
Qonuni 
tahririda — Qonun hujjatlari ma’lumotlari milliy bazasi, 13.01.2021-y., 03/21/664/0014-son)
Oldingi
 tahrirga qarang.
Raislik qiluvchi sud majlisining bayonnomasi yoki audioyozuvi yuzasidan berilgan
mulohazalarga qo‘shilmagan taqdirda, bu mulohazalar ushbu ishni ko‘rgan sud tarkibi hal etishi
uchun kiritiladi. Basharti ishni sudyaning yakka o‘zi ko‘rib chiqqan bo‘lsa, raislik qiluvchining qarori
uzil-kesil hisoblanadi, lekin manfaatdor taraflar bu qaror ustidan ushbu Kodeksda nazarda tutilgan
tartibda shikoyat berishi yoki protest bildirishi mumkin.
(427-moddaning ikkinchi qismi O‘zbekiston Respublikasining 2021-yil 12-yanvardagi O‘RQ-664-sonli
Qonuni 
tahririda — Qonun hujjatlari ma’lumotlari milliy bazasi, 13.01.2021-y., 03/21/664/0014-son)
51-bob. SUD MAJLISINING TAYYORLOV QISMI
428-modda. Sud majlisini ochish
Raislik qiluvchi tayinlangan vaqtda sud majlisini ochadi va qanday jinoyat ishi ko‘rilishini e’lon
qiladi.
429-modda. Protsess ishtirokchilarining sudga kelgan- kelmaganligini tekshirish
Sud majlisining kotibi davlat ayblovchisi, jamoat ayblovchisi, sudlanuvchi, himoyachi, jamoat
himoyachisi, shuningdek jabrlanuvchi, fuqaroviy da’vogar, fuqaroviy javobgar yoki ularning vakillari
sudga kelgan-kelmaganligi to‘g‘risida axborot beradi. Shundan keyin sudga tarjimon, guvohlar,
ekspertlar va mutaxassislar kelgan-kelmaganligi tekshiriladi. Kotib hozir bo‘lmaganlarning nima
sababdan kelmaganligini ma’lum qiladi.
Ishda ishtirok etayotgan shaxslarning kimligi pasport yoki ularning shaxsini guvohlantiruvchi
boshqa hujjatlar bo‘yicha aniqlanadi.