Asosiy qoidalar

501-modda. Kassatsiya shikoyatining, protestining mazmuni
Kassatsiya shikoyatida, protestida quyidagilar ko‘rsatilishi kerak:
1) shikoyat, protest yo‘llanayotgan kassatsiya instansiyasi sudining nomi;
2) shikoyat, protest bergan shaxs, uning protsessual holati, yashash joyi yoki turgan joyi
to‘g‘risidagi ma’lumotlar;
Oldingi
 tahrirga qarang.
3) sud ishining raqami, ustidan shikoyat, protest berilgan hukm, ajrim chiqarilgan sana,
birinchi instansiya va apellatsiya instansiyasi sudining nomi;
(501-moddaning 3-bandi O‘zbekiston Respublikasining 2021-yil 16-sentabrdagi O‘RQ-716-sonli 
Qonuni
tahririda — Qonunchilik ma’lumotlari milliy bazasi, 17.09.2021-y., 03/21/716/0877-son)
4) shikoyat, protest bergan shaxsning fikriga ko‘ra hukmning, ajrimning noto‘g‘riligi nimadan
iborat ekanligi, ish bo‘yicha sudga qadar ish yuritishni amalga oshirish yoki sud muhokamasi
chog‘ida qaror qabul qilishga ta’sir ko‘rsatgan qonunning qaysi normalari buzilganligiga doir vajlari,
shuningdek uning iltimosining mazmuni;
5) shikoyat, protest bergan shaxs o‘z talablarini asoslagan dalillar;
6) shikoyatga, protestga ilova qilinayotgan materiallar ro‘yxati;
7) shikoyat, protest berilgan sana va shikoyat, protest bergan shaxsning imzosi.
502-modda. Kassatsiya shikoyatini, protestini qaytarish
O‘zbekiston Respublikasi Oliy sudi sudyasining ajrimi bilan kassatsiya shikoyati, protesti
quyidagi hollarda qaytariladi, agar:
1) shikoyat, protest ushbu Kodeksning 
501-moddasida
nazarda tutilgan talablarga javob
bermasa;
Oldingi
 tahrirga qarang.
(502-modda birinchi qismining 2-bandi O‘zbekiston Respublikasining 2021-yil 16-sentabrdagi O‘RQ-
716-sonli 
Qonuniga 
asosan chiqarilgan — Qonunchilik ma’lumotlari milliy bazasi, 17.09.2021-y.,
03/21/716/0877-son)
3) ish kassatsiya tartibida ko‘rib chiqilmaydigan bo‘lsa;
4) shikoyatni, protestni qaytarib olish to‘g‘risida ariza (xat) kelib tushgan bo‘lsa.
Oldingi
 tahrirga qarang.
Shikoyat, protest bergan shaxs ushbu modda birinchi qismining 
1-bandida
ko‘rsatilgan
holatlar bartaraf etilganidan keyin umumiy tartibda yangitdan murojaat qilishga haqli.
(502-moddaning ikkinchi qismi O‘zbekiston Respublikasining 2021-yil 16-sentabrdagi O‘RQ-716-sonli
Qonuni 
tahririda — Qonunchilik ma’lumotlari milliy bazasi, 17.09.2021-y., 03/21/716/0877-son)