Asosiy qoidalar

303-modda. Qisman reabilitatsiya etishning asoslari va oqibatlari
Shaxsning qisman reabilitatsiya etilishiga quyidagilar asos bo‘ladi:
Oldingi
 tahrirga qarang.
1) shaxsning qamoqda yoki uy qamog‘ida saqlab turilganiga qaraganda kamroq muddatga
ozodlikdan mahrum etishga yoki ozodlikni cheklashga yoxud ozodlikdan mahrum qilish bilan
bog‘liq bo‘lmagan jazoga hukm qilinganligi;
2) hukmdan ayblovning qisman chiqarib tashlanganligi va buning natijasida qonunga ko‘ra
qamoqda yoki uy qamog‘ida saqlash yoxud ozodlikdan mahrum qilish yoki ozodlikni cheklash
mumkin emasligi;
3) ozodlikdan mahrum qilish yoki ozodlikni cheklash muddatining yuqori sud tomonidan
haqiqatda o‘talgan muddatga qaraganda kamaytirilganligi yoxud boshqa yengilroq jazo turi bilan
almashtirilganligi;
(303-moddaning birinchi qismi 1 — 3-bandlari O‘zbekiston Respublikasining 2018-yil 18-apreldagi
O‘RQ-476-sonli 
Qonuni 
tahririda — Qonun hujjatlari ma’lumotlari milliy bazasi, 19.04.2018-y., 03/18/476/1087-
son)
Oldingi
 tahrirga qarang.
4) jinoiy jazo tayinlamay hukm chiqarilgan hollarda ushlab turish, qamoqqa olish yoki uy
qamog‘ining, tibbiy muassasaga joylashtirishning asossizligi.
(303-moddaning birinchi qismi 4-bandi O‘zbekiston Respublikasining 2014-yil 4-sentabrdagi O‘RQ-
373-sonli 
Qonuni 
tahririda — O‘R QHT, 2014-y., 36-son, 452-modda)
Qisman reabilitatsiya etish ayblanuvchiga yoki mahkumga yetkazilgan mulkiy ziyonning
asossiz qismi qoplanishiga va ma’naviy ziyon oqibatlarining asossiz qismi bartaraf qilinishiga sabab
bo‘ladi.
38-bob. REABILITATSIYA ETILGAN ShAXSGA YETKAZILGAN ZIYONNI QOPLASh VA UNING
BOShQA HUQUQLARINI TIKLASh TARTIBI
304-modda. Mulkiy ziyonni qoplash hajmi
Reabilitatsiya etilgan shaxsga ushbu Kodeksning 
302 
va 
303-moddalarida 
ko‘rsatilgan
qonunga xilof harakatlar bilan yetkazilgan mulkiy ziyon to‘la hajmda qoplanadi.
Quyidagilar qoplanishi lozim bo‘ladi:
1) reabilitatsiya etilgan shaxs o‘ziga nisbatan sodir etilgan qonunga xilof harakatlar natijasida
mahrum bo‘lgan ish haqi va mehnatdan topiladigan boshqa daromadlar;
2) pensiya va nafaqalar, basharti ularni to‘lash to‘xtatib qo‘yilgan bo‘lsa;
3) pullar, pul jamg‘armalari va ularga to‘lanadigan foizlar, davlat zayomi obligatsiyalari va
ularga chiqqan yutuqlar, aksiyalar va boshqa qimmatli qog‘ozlar, shuningdek sudning hukmi,
ajrimiga (qaroriga) asosan musodara qilingan yoxud davlat foydasiga o‘tkazilgan ashyolar yoxud
boshqa mol-mulkning qiymati;

---

08.05.2022, 17:51
22.09.1994. O‘zbekiston Respublikasining Jinoyat-protsessual kodeksi
https://lex.uz/docs/-111460
113/232
4) surishtiruv, dastlabki tergov organlari yoki sud tomonidan olingan va yo‘qotilgan mol-mulk
qiymati;
5) sud hukmini ijro qilish chog‘ida undirilgan jarimalar va sud chiqimlari;
Oldingi
 tahrirga qarang.
6) yuridik yordam ko‘rsatilishi uchun shaxs tomonidan advokatlar byurosiga, hay’atiga yoki
firmasiga to‘langan pul, shuningdek unga nisbatan sodir etilgan qonunga xilof harakatlar natijasida
qilingan boshqa xarajatlar.
(304-moddaning ikkinchi qismi 6-bandi O‘zbekiston Respublikasining 1997-yil 30-avgustdagi 485-I-
son 
Qonuni 
tahririda — Oliy Majlis Axborotnomasi, 1997-y., 9-son, 241-modda)
Reabilitatsiya etilgan shaxs vafot etgan taqdirda ushbu moddaning
 1
,
 3
, 
4
, 
5 
va 
6-bandlarida
nazarda tutilgan ziyonni undirish huquqiga uning merosxo‘rlari,
 2-bandida 
nazarda tutilgan ziyonni
undirish huquqiga esa boquvchisini yo‘qotganlik pensiyasi bilan ta’minlanishi lozim bo‘lganlar
jumlasiga kiruvchi oila a’zolari ega bo‘ladilar.