Асосий касалликнинг баёии

Трихофития. 
Дерматофитиялар қаторига кирадиган мазкур касаллик Trichophyton 
турига мансуб замбуруғлар томонидан келиб чиқади. Трихофитияда бошнинг сочли қисми 
ва силлиқ тери зарар кўради. Унинг қуйидаги клиник хиллари кўп учрайди: 
1.
Силлиқ терининг юзаки трихофитияси- болаларда кўп учрайди. Терида аниқ 
чегараланган айлана ѐки овалсимон қизариб шишган доғлар пайдо бўлади. Бу доғ-ларнинг 
юзаси тезда қипиқланиб кўчиб туша бошлайди. Доғлар устида пуфакчалар ва қатқалоқлар 
кузатилади, улар ҳалқасимон жойлашади. Ҳалқасимон тошмалар ичида янги ҳалқалар пайдо 
бўлиши мумкин. 
2.
Бош сочли қисмининг юзаки трихофитияси - терида айлана ѐки овал ўчоқлар 
кузатилади. Диққат билан кузатилганда ўчоқлардаги сочнинг синиб тушаѐтганлиги ва 
тўкилаѐтганлиги кўринади. Сочлар тери сатҳидан 2-3 мм юқорида синади. Зарарланган 
соҳадаги тери сал қизарган ва шишган бўлиши мумкин. Трихофития ўсмирлар балоғатга 
етган даврда ўз-ўзидан тузалиб кетади. 
3.
Бош сочли қисмининг сурункали трихофитияси - асосан аѐлларда кузатилади.
Баъзан болалигида трихофитияга чалинган қиз болаларда касаллик тузалмаслиги мумкин.
Шу сабабли трихофития бир неча ўн йиллаб сақланади, бунда унинг клиник белгилари 
жуда кам ривожланганлиги сабабли диагноз вақтида қўйилмаслиги мумкин. Терида
сезилар-сезилмас, маълум бир шаклга эга бўлмаган соч тўкилган ўчоқчалар кузатилади. 
Бунда сочнинг тери сатҳидан синганлиги аниқланади. Шу сабабли ўчоқларда қора
нуқталар кузатилади. Касаллик яна қора нуқтали трихофития дейилади. 
4. Силлиқ терининг сурункали трихофитияси - терида қипиқли яллиғланган доғлар 
пайдо бўлади. Бу доғлардаги қипиқлар ва яллиғланиш белгилари суст ривожланган бўлади. 
Уларнинг юзасида майда қизил тугунчалар пайдо бўлиб, гуруҳланишга мойил бўлади. 
Тошмали ўчоқлар болдир, думба, билак соҳаларида кўп учрайди. 
5. Соч қисмининг маддали-йнринглашган трихофитияси - терида яллиғланган мадда 
тўпланиб, ўсмасимон шаклда бўлади. Чегараланган мадда оғриқли ва қаттиқ бўлиб, унинг 
юзасида йирингчалар ва синган сочлар кўриниб туради. Замбуруғли ўчоқ аста-секин 
катталашиб боради, ҳажми товуқнинг тухумидек бўлиши мумкин. Сўнгра уларнинг юзаси 
йирингли-геморрагик қатқалоқлар билан қопланади. Қатқалоқлар кўчиб тушганда уларнинг 
ўрнида асалари уяларига ўхшаш кичик тешикчалар пайдо бўлади. Мазкур тешикчалардан 
йиринг томчилаб чиқади, йиринг билан бирга зарарланган соч толаси ҳам чиқиши мумкин. 
Микроспория.
Кўпинча болалар касалланади. Катта ѐшдаги кишилар орасида жуда кам 
учрайди, улардаги микроспория фақат силлиқ терини зарарланади, бошнинг сочли қисми ва 
тирноқларда деярли кузатилмайди. 
Микроспорияни кўпинча Microsporium ferrugineum (антропофил)