Асосий касалликнинг баёии

3-МАШҒУЛОТ 
1. Машғулот мавзуси.
Захмнинг учламчи даври (захм дўмбоқчалари ва тугунлари). 
Яширин захм (эрта ва кеч яширин захм). Захмда қўлланиладиган серологик реакциялар. 
2. Мавзунинг қисқача мазмуни. 
Учламчи захм.
Захмнинг учламчи даври касаллик юққандан сўнг 3-5 йил ўтгач ривожланади. Захм 
белгилари эркак ва аѐлларда деярли бир хил тарзда кузатилади. 
Учламчи захмнинг ривожланишида қуйидаги омиллар мухим роль ўйнайди: 
1)
касалликнинг бирламчи ва иккиламчи даврларида даво чораларининг ўтказилмаслиги ѐки 
пала-партиш даволаниш; 
2)
турли-туман сурункали касалликларга чалиниш ѐки мазкур касалликлар билан захм 
юққанга қадар касал (сил, безгак, бод, камқонлик ва бошқалар); 
3) спиртли ичимликларга ружу қилиш ѐки гиѐҳвандлик дардига мубтало бўлиш; 
4) касбга алоқадор заҳарланишлар (саноат ва қишлоқ хўжалигида қўлланадиган заҳарли 
бўѐқлар, ранг берувчи моддалар, минерал ўғитлар, гербицидлар ва ҳоказолар). Меҳнат 

---

шароитларининг ноқулайлиги, сифатсиз ва нотўғри овқатланиш, ҳар хил руҳий таъсиротлар 
ва кўнгилсиз воқеалар ҳам учламчи захмнинг шаклланишига сабаб бўлади. 
Беморнинг ѐши, турли-туман жароҳатларининг ҳам аҳамияти катта. Кўпчилик ҳолларда 
учламчи захм ѐши 45-50 ѐшдан ошган беморларда ривожланади. 
Учламчи захм қуйидагилар билан таърифланади: 
а) учламчи давр тошмалари (сифилидлар) тери ва шиллиқ қаватларнинг маълум соҳаларида 
жойлашган бўлиб, кўпинча чегараланган бўлади; 
б) тошмалар миқдори кўп бўлмайди: тугунлар (nodus) битта-иккита, дўмбоқчалар 
(tuberculum) эса ўнга етади ва бундан ошади; 
в) учламчи захм белгилари одатда нохуш сезгилар билан кечмайди, шу туфайли беморда 
шикоятлар бўлмайди; 
г) тошмалар ушлаб кўрилганда қаттиқ, тери чуқур жароҳатланади, ярага айланиши мумкин. 
Шу сабабли захм жараѐни чандиқланиш билан тугайди; 
д) учламчи захм тошмалари кам юқумли ѐки бутунлай юқмайдиган бўлади. Тошмалар 
таркибида оқиш спирохеталар топилмайди ѐки улар жуда кам миқдорда бўлади; 
е) захмнинг учламчи даврида ички аъзолар ва асаб системаси зарарланади. Шу сабабли 
учламчи захм ички аъзолар захми ва асаб системасининг захми билан бирга кечади; 
ѐ) классик серологик реакциялар учламчи ривожланган захмга йўлиққан беморларнинг 60-
70% ида, учламчи яширин захмли беморларнинг эса 50% ида мусбат натижалар беради. РИТ 
(ТҲЧР) ва РИФ (ИЁР)нинг жавоби барча беморларда мусбат бўлади. Учламчи ривожланган 
захмда беморларнинг тери ва шиллиқ қаватларида асосан икки хил тошмалар кузатилади: 
1.
Дўмбоқчалар, яъни юзаки тугунли сифилид. 
2.
Тугунлар, яъни тери ости гуммаси.