Асосий касалликнинг баёии

ОИТС га мойил бўлган гуруҳлар.
Орттирилган иммунитет танқислиги синдроми 
аҳолининг қуйидаги табақаларида кўпроқ учрайди: 
1.
Бесоқолбозлар - улар ОИТС га чалинган беморларнинг қарийб 75% ини ташкил этади 
(бунинг сабаблари юқорида атрофлича тушунтирилди). 
2.
Гиѐҳвандлар - уларнинг сони турли мамлакатларда турлича (11-17%), уларнинг 
кўпчилиги бесоқолбозлардир. 
3.
Гемофилияга дучор бўлган беморлар. Бу касаллик билан асосан эркаклар 
касалланадилар. Бундай беморларда қоннинг ивишида иштирок этадиган VIII -IX омиллар 
етишмайди. Янги ва табиий қондан тайѐрланадиган концентрат (керакли омиллар 
йиғиндиси) тайѐрлаш учун 2000-5000 донорнинг қони керак бўлади. Бу ҳол ИТВнинг юқиш 
хавфини оширади. Бундай беморлар 1-4% ни ташкил этади. 
4.
Турли сабабларга кўра қон қуйиладиган беморлар ва бошқа тоифадаги шахслар. Қон ва 
қон препаратлари оладиган кишилар орасида ОИТС ҳоллари кейинги йилларда кўпайиб 
бормоқда. Улар ОИТСга дучор бўлган беморларнинг 1,4-20,2% ини ташкил этади. 
5. Жинсий шерикларини тез-тез ўзгартириб турадиган гетеросоксуалистлар. Касаллик 
айниқса «уқалаш хона» ларига ва исловотхоналарга қатнайдиган эркаклар ва фоҳишалар 
орасида кўпаймоқда. Беморларнинг кўпчилигини аѐллар ташкил этмоқда (29-50%). Агар 
гомосексуализм эркаклар орасида ОИТСнинг кенг тарқалишига олиб келган бўлса, 

---

гетеросексуал жинсий алоқалар ва кенг кўламда қон қуйилиш ҳоллари касалликнинг аѐллар 
орасида кўпайишига сабаб бўлмоқда. 
6. Юқорида санаб ўтилган аҳоли табақаларидан туғилган, айниқса ОИТС га чалинган 
беморлардан ва ИТВ юққан шахслардан туғилган болалар. Бунда касаллик кўпинча ҳомила 
йўлдош орқали гўдакка ўтади. Шунингдек ҳомила туғруқ йўлларидан ўтаѐтганида (туғиш 
пайтида) қин ва бачадон бўйнидаги ретровируслардан зарарланиши мумкин. Бемор оналар 
сутини эмган болаларнинг ОИТС билан касалланиши юқорида айтиб ўтилган эди.