Асосий касалликнинг баёии

остеохондритдир 
(osteochondritis 
syphilitica). 
Остеохондрит суякларда кузатиладиган захм белгиларидан энг кўп 
учрайдиганидир. Ҳомиладорликнинг биринчи ойларидаѐқ узун найсимон суякларнинг 
эпифизи ва диафизи орасида жойлашган тоғай тўқимасининг қон билан таъминланиши 
кучаяди. Бу ҳол мазкур соҳада рангпар спирохеталарнинг ҳаддан ташқари кўпайишига ва 
йиғилиб қолишига имконият яратади. Шаклланган специфик яллиғланиш тоғай 
тўқимасининг суяк тўқимасига ўтишига, кальций тузларининг тўпланишига ҳалал беради. 
Натижада метафиз соҳасида суякларнинг қотиши секинлашади. Баъзан бутунлай тўхтайди
(остеомаляция). 
Остеохондрит аслида яллиғланиш эмас, балки кальций ҳосил бўлишининг, яъни 
суякланиш жараѐнининг бузилишидир. Остеохондрит қовурға, курак, чаноқ ва бош 
суякларда ҳам кузатилади. Бунда елка ва болдир суякларини рентгенологик текширувдан 
ўтказиш кифоя. Остеохондрит рентгенологик белгидир, унинг 3 босқичи фарқланади. 
Остеохондритнинг З-босқичида тўқималарнинг емирилиши оқибатида эт олувчи 
(грануляцион) тўқима хосил бўлади. Бу тўқима тоғай қаватининг остида, диафиз яқинида 
жойлашиб, турли таъсиротлар остида йиртилиши мумкин. Натижада суякнинг эпифиз қисми 
диафиз қисмидан ажралиб кетади. Мана шу тариқа суякларнинг метафизар (ѐпиқ) синиши
содир бўлади. Бу ҳол сохта фалажлик ҳолатинн келтириб чиқаради, яъни суякнинг синиши 
натижасида пайдо бўлган кучли оғриқ ўша қўл ѐки оѐқда ҳаракатни бутунлай тўхтатиб 
қўяди. Ўша соҳани қимирлатиш беморнинг оғриқ зўрлигидан чинқи-риб йиғлашига сабаб 
бўлади. Бундай беморларда тери ва мушакларнинг сезувчанлиги ва ўтказувчанлиги 
сақланган бўлади. Мазкур белгиларнинг барчаси фалажликнинг
 
сохта эканлигини аниқлашда 
ѐрдам беради. Эрта туғма захмда периостит ва остеопериостит кўп кузатилади, остеосклероз
ва остеопороз эса камдан- кам учрайди. 
Ички аъзолардан жигар ва талоқнинг катталашганлиги эрта туғма захмда кўп 
учрайдиган белгилардан ҳисобланади. Шунингдек буйракнинг зарарланиши, моякнинг 
катталашганлиги, периферик лимфа тугунларининг пайпасланиши кузатилиши мумкин. 
Эрта туғма захм ташхиси қуйидаги маълумотлар асосида қўйилади: 

---

1. Туғма захм тахмин қилинаѐтган болаларнинг ота-оналарида захм белгиларининг 
кузатилиши ѐки уларнинг захмга қарши даволанганлигини аниклаш. 
2.
Тери, шиллиқ қаватлар, суяклар ва ички аъзоларда эрта туғма захмга алоқадор 
белгиларнинг кузатилиши. 
3.
Зарарланган тўқима ва аъзоларда оқиш спирохеталарнинг топилиши. 
4.
Стандарт (ВР, КР, ЗВР) ва специфик (ИЁР, ТҲЧР) серологик реакцияларининг мусбат 
натижалар бериши. Захмга дучор бўлган аѐллардан туғилган болаларда серологик 
реакцияларнинг мусбат натижалар беришига қарамасдан захм клиник белгиларининг 
топилмаслиги яширин туғма захм диагнозини қўйишга асос бўла олади.