Асосий касалликнинг баёии

АСОСИЙ КАСАЛЛИКНИНГ БАЁНИ 
Терининг зарарланган соҳаларида кузатилаѐтган патологик жараѐн тарқалган 
тус олган. Ўткир яллиғланиш белгилари билан кечаѐтган тошма элементлари иккала 
қўл ва оѐқ соҳаларида, шунингдек қорин терисида симметрик жойлашган. 
Кўп сонли тошмаларнинг барчаси қаварчиқдан иборат бўлиб, уларнинг 
кўпчилиги нотўғри овал шаклда, баъзилари айланасимондир. Каварчиқларнинг энг 
кичиги ўрик данагидек, каттаси эллик тийинлик тангадек келади. Ранги кўпинча 
қизғиш ва тўқ қизил, қисман пушти ранг. Тошмаларнинг юзаси яссилашган, ўртаси 
оқимтир-кулранг. Баъзи қаварчиқларнинг ўртаси қаттиқлашган, чинни-оқ рангга эга. 

---

Қорин терисида куза-тилаѐтган ва ѐнма-ѐн жойлашган қаварчиқларнинг бир-бирлари 
билан қўшила бошлаѐтганлиги кўзга ташланиб турибди. Оғиз бўшлиғининг шиллиқ 
қаватида тўрт-бешта, нотўғри, овал шаклдаги қаварчиқлар жойлашган. Юз лаблари 
қалинлашган. 
Тошмалар билан қопланган соҳаларда тери қизарган, ялтироқ тусли, бир оз 
таранглашган, пайпаслаб кўрилганда қўлга қаттиқроқ уннайди. 
Терининг соғлом соҳаларида, унинг асаб-томир аппаратини механик 
таъсиротларга жавоб реакциясини текшириш беморда эшакем дермографизми пайдо 
бўлганлигини кўрсатди. Кучли қичишиш билан кечган, қаварчиқли бу қизғиш-
оқимтир йўл 12-13 дақиқалардан сўнг йўқола бошлади. 
Субъектив сезгилардан қичишиш, ачишиш, ютинишнинг оғриқ билан кечиши 
беморни безовта қиляпти. 
Дастлабки ташхис - сурункали эшакем, қўзиган даври, тарқалган тури. 
Трихофитияга чалинган С. исмли бола касаллик тарихининг асосий касаллиги 
баѐнидан кўчирма 
АСОСИЙ КАСАЛЛИКНИНГ БАЁНИ 
Теридаги патологик жараѐн чегараланган тус олган ва бошнинг сочли қисмида 
жойлашган. Касаллик ўчоқларининг каттаси айлана шаклида, диаметри 2-2,5 см 
келади, четлари аниқ чегараланган, соғлом теридан яққол ажралиб турибди, улар 
бошнинг тепа қисмида жойлашган. Икки-учта кичик ўчоқлар эса айлана-овалсимон, 
бошнинг чакка қисмида жойлашган, ҳажми бир-икки тийинлик катталикда. Ўчоқлар 
чегараси ноаниқ, бир-бирига қўшилиб кетишга мойиллиги сезилиб турибди. 
Ўчоқлар синчковлик билан кузатилганда соч толаларининг аксарияти тери сатҳидан 
2-4 мм масофадан синганлиги ва кундасимон кулранг тусда эканлиги маълум бўлди. 
Баъзи соч толаларининг тери сатҳидан синганлиги аниқланди. Патологик ўчоқлар 
атрофидаги тери бир оз маддалаган, қизарган. Ана шу яллиғланиш соҳаларида тери 
устки қаватларининг кўчиб тушаѐтганлиги маълум бўлди. 
Кузатилаѐтган иккиламчи тошма элементларидан қипиқлар асосан синган соч 
ўчоқлари ва уларнинг атрофида жойлашган. Қипиқларнинг кўп қисми кепаксимон ва 
қисман унсимон бўлиб, маълум масофадан ҳам яққол кузатиляпти. Силлиқ терида 
бошқа тошма элементлари кўринмайди. Тирноқлар зарарланган эмас. 
Терининг зарарланган соҳалари Вуд чироғи билан ѐритилганда патологик ўчоқлар ўз 
манзарасини, жумладан тусини ўзгартирмади. 
Вақти-вақти билан безовта қилаѐтган оз-моз қичишиш сезгисини қайд қилиб ўтиш
лозим. 
Дастлабки ташхис - бош сочли қисмининг юзаки трихофитияси. 
Қўъбус билан оғриган Г. исмли ўспирин бола касаллик тарихининг асосий касаллиги 
баёнидан кўчирма