Асосий жараёнларнинг турлари. Гидромеханик, иссиқлик ва моддалар алмашуви жараёнларининг бирликлари. Ўхшашлик назарияси асослари. Физик катталикларнинг ўлчов тизимлари

1-маъруза
Асосий жараёнларнинг турлари. Гидромеханик, иссиқлик ва моддалар алмашуви жараёнларининг бирликлари. Ўхшашлик назарияси асослари. Физик катталикларнинг ўлчов тизимлари.


Режа:

1. 
   Асосий технологик жараёнлар классификацияси .
   
2. 
   Ўхшашлик назарияси асослари.
   

Асосий технологик жараёнлар классификацияси
Жараён ва қурилмалар фанининг ривожланиши технологик жараёнларнинг илмий асосланган классификацияси ва тушунчалар системасини яратиш имконини берди.
Шунинг учун саноат жараёни, технология ва технологик қурилма, машина каби асосий тушунчаларни кўриб чиқамиз.
Саноат жараёни^1 - маълум натижага эришиш учун амалга ошириладиган кетма-кет ҳаракатларнинг мажмуаси ва йиғиндиси.
Технология – бу хом-ашёдан аввалдан белгиланган хоссаларга эга маҳсулот олиш мақсадида ўтказиладиган бир қатор усуллардир. Технологиянинг фан сифатидаги мақсади энг самарадор ва тежамкор технологик жараёнларни аниқлаш ва амалиётда қўллаш учун физик, кимёвий, механик ва бошқа қонуниятларини ўрганишдир.
Технологик қурилма - технологик жараёнларни ўтказиш учун мўлжалланган қурилма^, ускуна ёки мослама ёки жиҳоз.
Машина – энергия ёки материални ўзгартириш учун механик ҳаракат қиладиган ускуна ёки мослама.
Кимё, озиқ-овқат ва бошқа технологияларни кўп қиррали, турли асосий жараёнларнинг ўтиш қонуниятларига қараб асосан 6 гуруҳга ажратса бўлади: 1) механик жараёнлар 2)гидромеханик жараёнлар; 3) иссиқлик алмашиниш жараёнлар; 4) масса алмашиниш жараёнлар; 5); 6) кимёвий ва биокимёвий жараёнлар; 7) совитиш жараёнлари.
МЕХАНИК ЖАРАЁНЛАР – бу шундай жараёнларки, уларда жисмларнинг фақат механик ўзаро таъсирида ўтади. Уларга қаттиқ, сочилувчан материалларни майдалаш, классификациялаш (синфлаш), пресслаш, грануллаш ва бошқалар киради.