Қашқадарё вилоят суди раиси А. Махкамовга

(Қарор нусхаси ва уй паспорт нусхаси илова қилинган)
Бу уй-жойни мен 1991 йилдан бошлаб, қуриб битказганмаи.
Бу уй-жойда 1991 йилдан бошлаб яшаб келганман ва оила аъзоларим билан рўйҳатдан (прописка) ўтганман.
(Уй дафтари нусхаси илова қилинган)
Турмуш ўртоғим Маматкаримова (Хакимова) Хафиза савдо фаолияти билан шуғулланиб келган. Унинг тижорат ишларига пул зарур бўлиб қолиб, 2005 йил март ойида фоиз ҳисобига пул бериб юрган Жиззах шаҳар Оққурғонлик маҳалласи Оққурғонлик кўчаси 118^а уйда яшовчи судхўр Муродов Махмуд билан келишиб фоиз ҳисобига 2 000 000 сўм қарз пулини ҳар ойга 10% устама тўлаш шарти билан нотариал тасдиқланган қарз шартномаси орқали пул олган.
Келишилганидек бу пулларни 10% устамаси билан қайтариб бериб, яна 2005 йил апрел ойида М.Муродовдан қарз пули сўрайди. М.Муродов қарз пули бериши эвазига гаров тариқасида мол-мулк бериши кераклигини тушинтириб, қарз шартномаси орқали пул бермаслигини айтади. Турмуш ўртоғим мол-мулк йўқлигини, фақат яшаб турган уй-жойимиз борлигини айтганда М.Муродов уйимизни гаровга қўйишни айтади.
М.Муродов агар сен уйингни мени номимга ўтказиб берсанг, мен берган қарз пулни қайтариб берсанг, мен ҳам сенинг уйингни яна ўзингизни номингизга қайтариб ўтказиб бераман деб, турмуш ўртоғимни ишонтиради.
Турмуш ўртоғим бу гапларни менга келиб айтди, мен рози бўлмадим.
Орадан беш-ун кун ўтиб турмуш ўртоғим менга М.Муродов майли мен пул берай, уйни мени номимга ўтказиб бер, мен сенга кафолат хати ёзиб бераман деб турмуш ўртоғимни яна чалғитиб, янглиштириб гаплашибди. Мен бу таклифга ҳам рози бўлмадим, лекин турмуш ўртоғим кафолат хати ҳам, нотариал тасдиқланади деб айтди. Мен оиламда қийинчилик бўлиб тургани, катта қизимни турмушга бериш арафасида бўлганим учун ўйлаб кўраман дедим,
М.Муродовни қўшниси, турмуш ўртоғим билан бирга ишлаб келган. Жиззах вилоят депутати Қумри опа Носирова менга қилавер М.Муродовнинг уй-жойи, АЁҚШ, Тошкент шаҳрида уйи ва савдо дўконлари бор, сени уйинг унга нима керак, хотининг ва бола-чақанг учун қиласанда деди. Мен турмуш ўртоғим ва К.Носировани гапига ишониб ҳамда кафолат хати ёзилишини ҳисобга олиб 2005 йил 25 апрел куни Жиззах шаҳар 1-сон давлат нотариусига бордим.
Нотариусда нотариус Валисток Холматов ва шу ерда ишлайдиган Бахтиер деган бола бор эди, улар менга мана бу ерга имзо қўйинг деб, менга хонадон олди-сотди шартномасини қўйишди, мен уларга кафолат хати ҳам ёзилиши керак эдику деб, имзо қўймай нотариусдан чиқиб кетдим. Лекин нотариусда М.Муродов йўқ эди. Шундан кейин М.Муродов турмуш ўртоғимга учрашиб майли мен эртага бориб нотариус В.Холматовга айтаман кафолат хати ёзиб беради деб тушунтирибди.
Эртаси куни яъни 26 апрел куни 2005 йил мен ва турмуш ўртоғим яна нотариусга бордик, нотариус В.Холматовга учрашдик. Нотариус В.Холматов турмуш ўртоғимга майли кафолат хати ёзинг деди, турмуш ўртоғимга нотариус айтиб турди ва турмуш ўртоғим кафолат хати ёзди. Мен кафолат хатини ўқиб кўрдим, унда М.Муродов айтганидек қарз пулини қайтариб берсак, уйимизни қайтариб бериши ёзилгани учун мен кафолат хати шундай ёзилар эканда деб ишондим. Нотариус В.Холматов кафолат хатини тасдиқлади ва Реестр китобига ҳам турмуш ўртоғимга имзо қўйдирди.