Asab tizimini tekshirish usullari

Aktiv va passiv harakat oddiy tartibda tekshiriladi.

Koordinator soxa.

Bolalarda koordinator soxaning to'liq rivojlanishi oylar va yillar davomida kuzatiladi. Agar bola tik turish va yurishni boshlagan bo'lsa, ya'ni 10-16 oylik davrida xarakat koordinatsiyasining uzluksiz rivojlanishining ortda qolishi yoki regressining kuzatilishi patologik xususiyatni o'z ichiga oladi.

Aqliy tomondan yaxshi rivojlangan, 3-4 yoshli bolalarda ataksiyani aniqlashda qo'llaniladigan tekshirishlarni o'tkazish mumkin. Tik turishni va yurishni o'rganish davridagi bolalarda kasallik qarkat koordinatsiyasining rivojlanishini sekinlashtirishi mumkin.

Sezgi sohasi. Chaqaloqlarda va aqliy zaif bolalarda sezgini tekshirish qiyin, lekin yuzani va oqriq sezgilarining chuqur buzilganligini, bolaning bujmayishlariga ya'ni oqriqli ta'sirlarga yiqlashi yoki bolada ximoya reaktsiyalarining paydo bo'lishiga qarab aniqlash mumkin. Turli tipdagi sezgi buzilishlarini va orqa miyaning zararlanish darajasini aniqlash, faqatgina vrach bilan yaxshi xamkorlik qila oladigan 10-14 yoshli bolalarda to'liq anqlash mumkin. Bu yoshdagi bolalarda tez charchashni xisobga olish va ularda sezgini ob'ektiv tekshirish uchun kerakli sharoitlarni va xamkorlikni yaratish uchun tekshiruvchi vrachdan chidamlilikni talab qiladi .