Arxitektura

1. Tumanni rejalashtirishda hududning tahlili.

2. Tumanni rejalashtirishning asosiy masalalari

3. Tumanni rejalashtirishning vazifasi

4. Qishloq xo’jalik tumanlar

5. Kurort tumanlar

6. Yirik shaharlar atrof qismi

7. Shaharsozlik loyihalash tizimi va bosqichlari
TAYANCH SO’ZLAR:

Tumanni rejalashtirish - iqtisodiy yoki ma’muriy tumanni kompleks hududiy-xo’jalik tuzilishini loyihalash va uning xalq xo’jaligi tarmoqlarini, shaharlar va qishloqlarni optimal joylashuvini hamda aholi mehnati va dam olish uchun qulay shart-sharoitlar yaratib berishni ta’minlovchi tarxiy tarkibiy shakllantirish.

Tabiiy landshaft - asosiy landshaft komponentlari - yer yuzi, havo, suv, o'simlik va hayvonot dunyosi o'zaro uyg'un va o'zaro bog'liq bo'lgan birlikni tashkil etgan hududiy majmua, fazoviy muhitdir. Tabiiy landshaft rivojlanishida inson qo'li tegmagan.

Ko'kalamzorlashtirish - landshaftni qayta tiklash, qishloq joylarida, sanoat muassasalari atrofida o'rmon himoya chiziqlarini yaratish, ko'cha va magistrallar bo'ylab, turar-joy va kichik tuman chegaralarida, bog' va parklarda ekinlar ekish bo'yicha muhandislik va agrotexnik tadbirlar yig'indisi.

Shahar bosh tarhi — shaharning kelajak me'moriy-kompozitsion, funksional- makoniy, transportmuhandislik rivojlanishini belgilab beruvchi loyihaviy hujjat.
Tumanni rejalashtirishda hududning tahlili. Hududni tabiiy shart-sharoitlar bo’yicha baholash. Hududni tahlil qilishning asosiy maqsadlari:

undan turli xil sohalarda foydalanishga yaroqliligini aniqlash; shahar qurilishiga, qishloq va o’rmon xo’jaligiga, aholining ommaviy dam olish uchun hududini tarixiy tashkil etishga talablarni aniqlash.