Arxitektura qurilish instituti ijtimoiy fanlar kafedrasi

Fuqarolik jamiyati –har bir inson manfaatini ustuvor biluvchi, huquqiy an’ana va qonunlarga  hurmat muhiti shakllantirilgan, umuminsoniy qadriyatlar e’zozlanadigan, inson huquqlari va erkinliklari so‘zsiz ta’minlanadigan, davlat hokimiyatining samarali jamoatchilik nazorati mehanizmlari vujudga keltirilgan, insoniy munosabatlar chuqur ma’naviy-madaniy qadriyatlarga tayanadigan erkin, demokratik huquqiy jamiyat.

Fuqarolik jamiyati – konstitutsiyaviy huquq nazariyasida huquq va demokratiyaga asoslangan ijtimoiy hayotning zarur oqilona usuli; insonga uning  iqtisodiy, siyosiy va madaniy hayoti shakllarini erkin tanlash kafolatlanadigan, qtonun ustuvorligi va inson huquqlari hamda erkinliklari qaror topadigan, ko‘ppartiyaviylik, siyosiy institutlar, mafkura va fikrlarning xilma-xilligi ta’minlanadigan hamda o‘zini-o‘zi boshqarish organlarining mavqei baland bo‘lgan ijtimoiy tuzum.

 Huquqiy davlat – davlat konstitutsiyaviy-huquqiy maqomining tavsifi sifatida amal qiladi va davlatning quyidagi tamoyillarga so‘zsiz bo‘ysunishini nazarda tutadi: xalq suvereniteti, inson huquqlari va erkinliklarini davlat tomonidan buzilmasligi, davlatning konstitutsiyaviy tuzum bilan bog‘likligi, konstitutsiyaning barcha boshqa qonunlar va qonunosti hujjatlardan ustunligi, hokimiyatlarning bo‘linishi, huquqiy davlatning tashkiliy negizi bo‘lgan hokimiyatning organlari va davlat xizmatchilarining  javobgarligi instituti, milliy huquq normalaridan xalqaro huquq normalarining ustunligi.Parlament – fransuzcha Parler – gapirmoq so‘zidan kelib chiqqan bo‘lib, rasmiy so‘zlashish joyi ma’nosini anglatadi. Parlament davlatning oliy vakillik organi hisoblanadi va qonun chiqaruvchi hokimiyatni amalga oshiradi. U qonun bo‘yicha belgilangan sondagi deputatlardan iborat bo‘lib, hududiy saylov okruglari bo‘yicha ko‘ppartiyaviylik asosda belgilangan yoshga to‘lgan fuqarolardan saylanadi. Parlametarizm tajribasini shuni ko‘rsatadiki, parlament bir palatali va ikki palatali bo‘lishi mumkin. Ma’lumki, demokratik mamlakatlarning aksariyatida, shu jumladan O‘zbekiston Respublikasida ham parlament ikki palatalidir.