Қарши давлат университетини комплекс ўрганиш натижалари юзасидан маълумотнома

Ёшларни илмий фаолиятга кенг жалб қилиш ва қўллаб-қувватлашда амалга оширилган ишлар ва яратилган шароитлар.

Университетда иқтидорли талабалар билан ишлаш бўйича ўқув йили бошида йиллик иш режаси тасдиқланган.
Университет бўйича 754 нафар иқтидорли талаба ва магистрлар 218 нафар профессор-ўқитувчилар бириктирилган. 2021 йилда иқтидорли талабалар томонидан 250 та илмий мақола ва тезислар чоп этилган.
Академик лицейлар ва умумтаълим мактабларида таҳсил олаётган иқтидорли учун “Қарши давлат университети ректори фан олимпиадаси” ўтказилган ва ғолиб ўқувчи ёшлар 1, 2 ва 3 даражали диплом ва эсталик совғалар билан тақдирланганлар (тўлиқ маълумот илова қилинади).
2021 йил май ойида 5А130101-Математик йўналишлари бўйича 2– курс магистранти Истамов Жаҳонгир Зиёдулла ўғли Т.А.Саримсоқов номидаги стипендия ғолиби бўлган (тўлиқ маълумот илова қилинади).
2021 йил ноябрь ойида ўтказилган “Йил талабаси-2021” танловида 31 нафар иқтидорли иштирок этиб, 7 та номинацияда ғолиблар аниқланган ва рағбатлантирилган (тўлиқ маълумот илова қилинади).
2021-йил 15-21-ноябрь кунлари “Бағрикенглик – миллатлараро ва динлараро муносабатларда инсон ҳуқуқларига риоя этишнинг асосий тамойили” мавзусида илмий мақолалар танловини ўтказилган ва 3 нафар талабалар тақдирланган (тўлиқ маълумот илова қилинади).
2021 йил 18-19-декабрь кунлари Тошкент шаҳридаги Инновацион ўқув ва ишлаб чиқариш технопаркида «Ўзбекистон учун 100 ғоя» лойиҳаси танловида Физика факультети Физика таълим йўналиши 2-курс талабаси Иброхимов Шохижахон Алишерхон ўғли кучли юзталикдан ўрин олган ҳамда эсдалик медали ҳамда 10 миллион сўмдан пул мукофотини қўлга киритган (тўлиқ маълумот илова қилинади).
2021 йилнинг 9-декабрь куни университет талабалар ўртасида “Yil startap-loyihalari” кўрик-танлови ўтказилиб, унда 34 та лойиҳа ичидан энг яхши 3 нафар стартап-лойиҳа эгалари аниқлаб олинган ва ғолибларни 1, 2, 3, даражали диплом ва пул мукофотлари билан тақдирланган (тўлиқ маълумот илова қилинади).
2021 йил давомида университет иқтидорли талабалари томонидан хорижий илмий журналларда 72 та, Республика илмий журналларида 57 та, халқаро конференцияларда 93 та, Республика конференцияларида 161 та, ОТМ миқёсидаги конференцияларида 62 та мақолалар ва тезислар чоп этилган, давлат стипендиялари ғолиблари 9 нафарни, Республика Фан олимпиадаси ғолиблари 2 нафарни, Республика миқёсидаги кўргазма ва танлов ғолиблари 63 нафарни, халқаро миқёсидаги кўргазма ва танлов ғолиблари 53 нафарни ташкил этади.