Arnawli bilimlendiriw ministrligi berdaq atinda

1.3. Kadrlar tayarlaw milliy modeliniń tiykarģı qaģıydaları. 
Ózbekstan Respublikası insan huqıqları hám erkinliklerine ámel etiliwin, 
jámiettiiń ruwxıy jańalanıwın, social jóneltirilgen bazar ekonomikasın 
qáliplestiriwdi, jáhán jámiyetshiligine qosıwdı támiyinleytuǵın demokratiyalıq 
huqıqıy mámleket hám ashıq puqaralıq jámiyeti qurıp atır. 
Insan, onıń hár tárepleme uyqas jetilisiwi hám párawanlıǵı, shaxs máplerin 
ámelge asıriwdiń sharayatların hám tásirli mexanizmlerin jaratıw, gónergen oylaw 
jáne social minez-qulıqtıń ulgilerin ózgertiw respublikada ámelge asırılıp atırǵan 
reformalardıń tiykarǵı maqseti hám háreketlendiriwshi kúshi bolıp tabıladı. Xalıqtıń 
bay intellektuallıq miyrasları hám ulıwmadunyalıq qádiriyatlar tiykarında, 
zamanagóy mádeniyat, ekonomika, pán, texnika hám texnologiyalardıń 
jetiskenlikleri tiykarında kadrlar tayarlawdıń jetilisken sistemasın qáliplestiriw 
Ózbekstan rawajlanıwınıń zárúrli shárti bolıp tabıladı. 
Kadrlar tayarlaw milliy programması «Tálim tuwrısında»gi Ózbekstan 
Respublikası Nızamınıń qaǵıydalarına muwapıq halda tayarlanǵan bolıp, milliy 
tájiriybediń analizi hám tálim sistemasındaǵı jáhán kólemindegi tabıslar tiykarında 
tayarlanǵan hám de joqarı ulıwma hám kásip-óner mádeniyatına, dóretiwshilik jáne 
social aktivlikke, sociallıq-siyasiy turmısda ǵárezsiz túrde móljeldı tuwrı ala biliw 
uqıpına iye bolǵan, keleshek wazıypaların ilgeri jıljıtıw hám sheshiwge ılayıq 
kadrlardıń jańa áwladın qáliplestiriwge jóneltirilgen bolıp tabıladı. 
Programma kadrlar tayarlaw milliy modelin ámelge asıriwdi, hár tárepleme kámal 
tapqan, jámiyette turmısqa maslasqan, tálim hám kásip-óner programmaların sanalı 
túrde tańlaw hám keyinirek puqta ózlestiriw ushın sociallıq-siyasiy, huqıqıy, 
psixologiyalıq -pedagogikalıq hám basqa tárzdegi sharayatlardı jaratıwdı, jámiyet, 
mámleket hám shańaraq aldında óz juwapkershiligin sezim etetuǵın puqaralardı 
tárbiyalawdı náze rde tutadı. 
Oqıwshılardı tuwrı hám tereń juwmaqlar shıǵarıwǵa, logikalıq baqlawlar etiwge 
úyretiw, olarda hár bir máseleni sheshiwge sın kózqarastan hám dóretiwshilik 
jantasıwǵa alıp kelip, túrli shárt-shárayatlarda ónimli iskerlik kórsete alıwlarına 
múmkinshilik beredi. 

---

12