Ҳарбий таржимон Тақризчилар : А. Т. Ирисқулов, филология фанлари номзоди, профессор, Ўз джту о. М. Мўминов

1-
тавсия: бирорта ҳам мижозга эга бўлмай туриб, эркин ишга 
киришиб бўлмайди.
Мижозларингиз доирасини олдиндан тайёрлашингиз 
керак, бунга эса етарлича кўп вақт сарфлаш ва тиришиш даркор. Ишдан 
бўшашдан олдин ўйлаб кўринг: сизнинг таржималарингиз керак бўладиган 
мижозларингиз (таржима бюролари ёки бевосита буюртмачилар) борми? 
Назарий эмас амалда, яъни бир неча ойлар давомида сиз таржима қилиб 
беришингиз учун буюртма берган буюртмачилар борми? Келажагингиз 
учун ўз истиқболингиз ҳисобини чиқариб кўринг. Вақт ўтиб янги мижозларга 
эга бўла олишингиз мумкин
-
мумкин эмаслигини, уларни қандай қилиб ва 
қаерда излаш кераклигини билиш
-
билмаслигингизни пухта ўйлаб кўринг.
2-
тавсия: сиз қўшимча пул ишлаш йўли деб ҳисоблаган фаолият 
бошқалар учун асосий ишдир.
Шундай экан, профессионал эркин 
таржимонлар орасида қабул қилинган қоидаларга амал қилмоқ лозим. 
Идорадаги ишингиз давомида етарлича тажриба тўплаб олганингиз боис 
энди сизни ҳаваскор таржимон деб бўлмайди. Сиз ҳали эркин 
таржимонлик қилмаётган, бунинг учун эндигина замин яратаётган 
бўлсангиз ҳам, «идорадан ташқари ишларингиз» баҳоси таржима хизмати 
бозорида қабул қилинган баҳоларга мувофиқ келиши керак. Акс ҳолда 
кафолатланган маош бўлмайдиган эркин ишга киришар экансиз 
бажарадиган ишингиз баҳосини ошириш сиз учун узоқ ва мушкул кечади. 
Шундай экан ишингизга бошидан муносиб баҳо белгиланг.
3-
тавсия: бир вақтнинг ўзида ҳам бошқарувчисиз, ҳам ижрочисиз.
Шундай қилиб сиз эркинсиз, эртадан кечгача нима иш қилишингиз 
кераклигини кўрсатадиган ҳеч ким йўқ, бироқ шу билан бирга қатъий 
белгиланган маошингизни йўқотгансиз. Энди ўз вақтингизга ўзингиз 
хўжайинсиз, бандлигингиз ҳам, даромадларингиз ҳам ўзингизга боғлиқ. 
Айримлар «Эркин таржимон уйда ўтиришдан хурсанд бўлади
», -
деб 
ўйлайдилар, бироқ масаланинг муҳим бир томонини назарда тутмайдилар: 
агар эркин таржимон ўз иш вақтини тўғри ташкиллаштирмас экан 

---

37
даромадини йўқотиши муқаррар (ёдингизда бўлсин қатъий белгиланган 
маош энди тўланмайди).