Aral?qtan oq?t?wd? sholkemlestiriw us?llar?Qidirniyazov Y

3.2. Aralıqtan oqıtıw kursların tayarlawǵa qoyılatuǵın  

talaplar 

Aralıqtan  oqıtıw  kursların  tayarlawda  tómendegi  talaplardı  inabatqa  alıw 

kerek: 

Motivaciya.  Motivaciya -  bul tálim alıwdıń bir bólegi bolıp, barlıq oqıw 

processinde  qollap-quwatlanıwı  lazım.    Bunda  studentlerdiń  óz  aldına  qoyǵan 

maqsetining  qanshelli  anıq  belgilengenligi    úlken  áhmiyetke  iye.  Egerde 

belgilengen  maqset  hám  wazıypalar  studenttiń  tayarlıq  dárejesine  say  bolmasa 

onıń motivaciyası tezde sónedi. 

Oqıwdıń  maqsetin  belgilew.    Student  komp’yuter  aldına  otırar  eken,  eń 

aldı  menen  onnan  neler  talap  etiletuǵınlıǵın  birip  alıwı  tiyis.  Tálim  maqsetleri 

tálim baǵdarlamasında anıq belgilengen bolıwı kerek. 

Oqıw  materialın  ózlestiriwge  baylanıslı  dáslepki  túsinikler.  Oqıw 

materialların  ózlestiriwge  baylanıslı  dáslepki  túsiniklerdi  qáliplestiriw  ushın 

oqıtıwshı  tárepinen  tayarlanǵan  yamasa  tayar  paketler  komlektindegi  qosımsha 

járdemshi  materiallardan  paydalanıw  (studentlerge  basshılıq  etiw)  maqsetke 

muwapıq bolıp tabıladı. Sonday-aq aldın ala test jumısların ótkeriw de múmkin.