Apparat va dasturiy

Kolonka/sabvuferga chiqish (Speaker-out/Subwoofer) –chiziqli chiqish Line-out dan farqli ravishda kuchaytirgichga ega bo‘lgan stereo chiqishdir. Bu razyomga (kuchaytirgichga ega bo‘lmagan) passiv kolonkalarni yoki sabvuferni ulash mumkin. Bu razyom olov rangda bo‘ladi.
Sony/Philips raqamli interfeys formati (Sony/Philips Digital Interface Format – S/PDIF) – bu razyom tovush kartasining tashqi tomonida hamda plataning o‘zida joylashgan bo‘lishi mumkin. U kompyuterga tashqi audio qurilmalarni ulashga imkon beradi, masalan, DVD-yangratgichi yoki uy kinoteatri. Signal bunday razyomlar orqali analog qurilmalarga xos bo‘lgan halallarning kelib chiqishidan holis bo‘lgan raqamli ko‘rinishda uzatiladi.
MPC-3 CD-kirish (CD-in) – kompakt-disk uzatmasidan tovush kartasiga axborotni analog formatda jo‘natishga imkon beruvchi maxsus razyom.
Tashqi qurilmaning kirishi (MPC-3 Aux-in) – boshqa qurilmalarni (masalan, ikkinchi kompakt-disk uzatmasi) ulash uchun mo‘ljallangan razyom. Tashqi ko‘rinishdan CD-in ga juda o‘xshaydi.
Modem ulanishi uchun kirish-chiqish (MPC-3 Modem-in/out) – ushbu razyom modemni ulash uchun qo‘llaniladi. U internet orqali teleanjuman o‘tkazish uchun zarurdir. Bu razyom yashil rangda bo‘ladi.
Turli xil qo‘shimcha platalarni ulash uchun mo‘ljallangan razyom – eng katta o‘lchamga ega va IDE ga juda o‘xshaydi. Tovush kartasiga ulangan qo‘shimcha platalar uning imkoniyatini kengaytiradi. Undan tovush bilan ishlovchi mutaxasislar foydalanadilar.
Ba’zi tovush kartalari joyni tejash uchun tashqi panelida tashqi qurilmaning birdaniga bir nechta razyomlari (S/PDIF, Line-in/out va MIDI) ulanishi mumkin bo‘lgan bitta maxsus razyom qismiga ega. Tovush adapterining ichki komponentlari
O‘zgartirgichlar – ular barcha stereo kanallarda mavjud bo‘lib, analogli-raqamli (ARO‘) va raqamli-analogli (RAO‘) o‘zgartirgichlar deb ataladi. ARO‘ chiziqli kirish yoki mikrofondan kelayotgan analog signalga ishlov berib, uni raqamli signalga aylantiradi. RAO‘ raqamli signalni analog signalga o‘zgartirib, uni chiziqli chiqishga uzatadi. Hosil qilingan tovushning sifati o‘zgartirgichning bitli chuqurligiga bog‘liq.