Аплв1тот1 Jill. V b tk kaffTAlv grant bulalari

Yosh xotinining qanday aqlli ekanini yaxshi bilgan Glenarvan bunga rozilik berdi.
0 ‘sha kuni, ya’ni 5-martda, Ayrtonni Elenning kayutasiga olib keldilar. Meri Grant ham o‘sha yerda edi. Bu uchrashuvda qizning ham qatnashishi bots-manga katta ta’sir ko‘rsatishi mumkin edi, Elen esa muvaffaqiyat qozonishga bo‘lgan bironta ham imkoniyatni qo'ldan bermoqchi emasdi.
Ikkala ayol «Britaniya» botsmani bilan ikki soat suhbat qildilar, lekin ularning nimalar deyishganini, katorjnikdan kerakli sirni bilib olish uchun qanday dalillar keltirishganini hech kim bilmadi. Shunisi bor-ki, Ayrton bilan bo‘lgan bu uchrashuvdan keyin Elen

604

bilan Meri juda xafa bo‘lib qoldilar. Ular, aftidan, muvaffaqiyatsizlikka uchragan edilar. Botsmanni yana o‘z kayutasiga olib ketayotganlarida matroslar uni yeb qo'yar darajada yomon ko‘z bilan kuzatib qoldilar. Ayrton faqat yelkasini qisib qo‘ya qoldi. Bu komandaning g ‘azabini battar toshirib yubordi, faqat Jon Mangls bilan Glenarvanning aralashuvi Ayrtonni qasosdan saqlab qoldi.
Lekin Elen o'zini yengilgan deb hisoblamadi. U bu bag'ritosh odamning yuragini yumshatishga hali umid qilardi. Ayrtonning kema palubasida paydo bo‘lishi bilan yuzaga kelishi ehtimol bo‘lgan janjaldan qochish uchun ertasiga u botsmanning kayutasiga o‘zi kirdi.
Oq ko‘ngil, olijanob xotin qochqin katorjniklar boshlig‘i bilan bu safar ikki soat vaqt suhbatlash-di. Glenarvan goh Ayrtonning sirini bilib olish uchun shu oxirgi chorani oxirigacha qo‘llashga qaror qilib, goh bunday og‘ir suhbatdan xotinini xalos qilmoqchi bo'lib, hayajon bilan kayuta oldida kezib yurdi.
Elen do'stlari orasiga qaytib chiqqanda, bu safar uning ko‘zlarida umid uchqunlari chaqnardi. Nahotki, Elen bu ablahning tosh bag'rida saqlanib qolgan oxirgi shafqat torlariga ta’sir eta olgan va sirni bilib chiqqan bo'lsa?