Аҳоли турмуш даражаси

10 yilda erishish kerak bo‘lgan natijalar

O‘zbekistonni ijtimoiy-iqtisodiy kompleks rivojlantirish konsepsiyasi loyihasida prognoz qilinganidek, 2030 yilga qadar mazkur reytingda 40-o‘rinni egallash ko‘zda tutilgan. Ya'ni inson taraqqiyotining juda yuqori ko‘rsatkichiga ega davlatlar qatoridan o‘rin olish mo‘ljallanmoqda. Inson taraqqiyoti indeksi yig‘ma ko‘rsatkich bo‘lib, o‘zida odamlar yashash darajasining uchta tarkibiy qismini (umr davomiyligi, ta'lim sifati va farovonlik darajasi) qamrab olgani sababli aynan qaysi ko‘rsatkich bo‘yicha qanday natijaga erishish kerakligini bashorat qilish qiyin. Ammo mazkur reytingda 35-o‘rindan 45-o‘ringacha joy olgan mamlakatlar erishgan natijalarga qarab buni taxmin qilish mumkin.

Shundan kelib chiqqan holda aytadigan bo‘lsak, mazkur maqsadga erishish uchun yaqin 10 yil ichida O‘zbekistonda o‘rtacha umr davomiyligi kamida 3,5 yilga uzayishi (71,6 yoshdan 75 yoshgacha) hamda aholi jon boshiga hisoblangan yalpi milliy daromad miqdori ham kamida 4 barobarga oshishi kerak.