«Қанотли дўстларимиз»очиқ машғулот ишланмаси Тарбиячи: З. Халиярова «Қанотли дўстларимиз»

М.Улуғбек тумани МТБ тасарруфидаги 145-сонли Давлат мактабгача таълим ташкилоти
«Қанотли дўстларимиз»очиқ машғулот ишланмаси
Тарбиячи: З.Халиярова

«Қанотли дўстларимиз»


Мақсад:Болаларнинг қушлар ҳаётиҳақидаги билимларини мустаҳкамлаш, қушларни хусусиятига қараб турига ажратиш малакаларини ривожлантириш, қушларга ғамхўрлик қилишни ўргатиш, қиш ойларида уларга шароит яратишга ўргатиш, фикрлаш ҳамда хотирасини ривожлантириш, ташландиқ нарсаларга иккинчи ҳаёт бағишлашга ўргатиш. Ўртоқлари билан ўзаро муносабатда дўстона муносабатда бўлишни ўргатиш, геометрик шакллар ҳақидаги билимларини мустаҳкамлаш ва мантиқий фикрлашни ривожлантириш
Керакли жиҳозлар: АКТ (овозли расмлар), магнитли доска, қоғоз қути, қайчи, 30-35см тайёқчалар, саноқ чўплари, рағбатлантириш учун юлдузчалар
Фаолиятнинг бориши:
Фаолият кўрсатадиган марказлар:

1. 
   Қуриш-ясаш ва математика маркази.
   

Мавзу: “Қушлар учун уйча”
Керакли жиҳозлар: намуна, лего, кубиклар.

2. 
   Сюжетли-ролли ва саҳналаштириш маркази.
   

Мавзу: “Ҳайвонот боғидаги қушлар”сюжетли-ролли ўйинлар
Керали жиҳозлар: қушлар маскаси, қаҳрамонлар учун кийимлар

3. 
   Тил ва нутқ маркази
   

Мавзу: “Қушлар бизнинг дўстимиз” мавзусида ҳикоя тузиш, овозли ёзувдан қушларни аниқлаш ва уларни номлаш
Керакли жиҳозлар: расмли карточкалар, сюжетли расмлар, мавзу асосида китоблар, АКТ

4. 
   Санъат маркази
   

Мавзу: “Қушлар учун донхўрак”
Керакли жиҳозлар: намуна, оқ ва ранглиқоғоз, рангли қаламлар, фломастер, клей, краска, қоғоз қути, қайчи
Таълимий-тарбиявий жараённинг бориши:

• 
  Салом болажонлар, бугун биз сизлар биланҳайвонот дунёсининг қушлар оламига сайёҳат қиламиз. Диққатингизни гуруҳга қаратинг. Гуруҳнинг барча бурчакларида мавзуга оид манзарани кўрсак бўлади. Кўраётган манзарангизни ўз фикрларингиз билан ифодалаб беринг-чи.
  
• 
  Болалар жавоби.
  
• 
  Баракалла болажонлар, сизлар қушлар ҳақида кўпгина маълумотга эга экансизлар. Бу маълумотларни янада бойитиш мақсадида ҳозир ҳаммамиз ўз хохишимизга кўра марказларга бўлиниб оламиз. Марказларда бизни қизиқарли саргузаштлар ва ажойиб меҳнат турлари кутмоқда. Марҳамат! (Болалар марказларда фаолиятларини бошлашади. Фаолият 20-25 дақиқа давом этади. Фаолиятга тарбиячи раҳбарлик қилади).
  
• 
  Болажонлар марказлардаги иш вақтимиз ўз ниҳоясига етай деб қолди. Барча иш қуролларимизни жойларига қўйиб, тақдимотингиз учун тайёргарлик кўринг.
  
• 
  Болалар (марказда олиб борган ишлари юзасидан тақдимот қиладилар) Тарбияланувчилар томонидан берилган фикр-мулоҳазалари тингланди.
  
• 
  Ижодий ишларимизни якунлаб олдик, навбатни қизиқарли математика машғулотига берсак. Машғулотда йил давомида олган билимларимизни мустаҳкамлаймиз. Бу жараёнда қушлар учун тайёқчалар ёрдамида турли шакллар яратамиз ва шу шакллардан қушлар учун ин қурамиз.