Анорнинг ватани Озарбайжон, Эрон, Афғонистон ҳисобланади. Лекин Узбекистонда жуда қадимдан экилади. Анор авлодига икки тур киради: биринчиси Р. Урта Осиё, Закавказье ва Догистонда ёввойи ҳолда ўсади. Иккинчиси Р

11. ХУРМО
Хурмонинг саноат аҳамиятига эга бўлган 3 тури: Шарқ, Виргин, Кавказ хурмосидан фойдаланилади.
Кавказ хурмоси Закавказьеда, Қримда ва Ҳисор тоғларида ёввойи ҳолда ўсади. Меваси майда, лекин истеъмол қилиш мумкин бўлади. Ундан асосан Шарқ хурмосини кўпайтиришда пайвандтаг сифатида фойдаланилади.
Виргин хурмоси Америка Кўшма Штатларининг Виргиния штатида ёввойи ҳолда ўсади. Шарқ хурмо навларини кўпайтиришда совуққа чидамли пайвандтаг ҳисобланади.
Шарқ хурмосининг ватани Хитойдир. Хитойда у Шитзе деб аталади. Кейинги йилларда Ўрта Осиёда, айниқса, Ўзбекистонда ва Тожикистонда хурмо кенг тарқалди. Ўзбекистонда, Сурхондарёда, Фарғона водийсида ва қисман Самарқанд вилоятида хурмозорлар барпо этилди. Янги узилган меваси таркибида 15—20 фоиз қуритилганида эса 62—65 фоизгача шакар бўлади, кислота, туз, таннин, темир каби моддалар, С витамини ҳам бор.
Хурмо тупларииинг бўйи 8-10 м га етади, барглари кузда тўкилади Шох-шаббаси юмалоқ ва пирамида шаклида бўлади, танаси ва асосий новдаларида тук ўсади, гули ўтган йилги новдалардан баҳорда чиқкан ёш новдалар учида ҳосил бўлади. Шарк. хурмоси уч группага: функционал уруғчи, функционал чангчи ва икки жинсли гулларга бўлинади.
Уруғчи гуллари йирик бўлиб, якка-якка ёки камдан-кам тўпгул ҳолатда учрайди. Чангчи гуллари майда бўлади. Икки жинсли гуллар кам учрайди. Ўрта Осиёда хурмо апрелнинг охири майнинг бошларида гуллайди. Айрим навларининг мевасида уруғ бўлмайди, баъзиларида эса 8 тагача уруғ бўлади.
Меваси бир йиллик новдаларининг учида тугилада, ноябрь ойида пишади. Кўпчилик навларнинг меваси териб олинганидан кейин пишиб етилади. Меваси боғ қайчида кирқиб олиниб, кейин мева банди олиб ташланади. Уларни 34 ойгача сақлаш мумкин.
Субтропик ўсимликлар ичида хурмо совуққа анча чидамли ҳисобланади. 20 градус совуқда дарахти қисман зарарланади. Хурмо ер танламайди, лекин унумдор тупроқли ерларда яхши ўсиб, мўл ҳосил беради. Қуруқ ҳавога анча чидамли, лекин тупроқда нам етарли бўлмаганда мевасини тўкиб юборади. У ёруғсевар ўсимлик. Ўзбекистон шароитида хурмозорлар барпо қилиш ишлари февраль ойидан бошланади.