Anorgul atajonova

 
135-mashq.  Gaplarni  ko‘chiring.  Ko‘makchi  va  bog‘lovchilarning 
tagiga chizib, ma’nosini izohlang. 
1.  Ko‘z  oldiga  goh  mijiqlangan  qog‘ozdek  yuz-ko‘zini  ajin  bosgan 
Ohistaxon,  goh  xuddi  o‘zining  yigitligini  eslatgan,  o‘zidek  azamat,  hozir 
ayblanib, sud zalida boshini egib o‘tirgan Himmatilla keladi (Sh.) 2. Hilola 
o‘zining  qizara  boshlaganini  payqab,  deraza  tomonga  qarab  oldi  (O‘.H.).  
3. Ismat  bobo hassasi bilan  eshikni ochib kirib keldi. 4. U kechgacha ish 
ustida o‘tirdi. 5. Bolalar darsdan so‘ng uylari tomon yo‘l oldilar. 6. Kechga 
tomon  osmonni  quyuq  bulut  qopladi,  lekin  yomg‘ir  yog‘madi.  7. 
O‘quvchilar to‘planishdi va to‘garak mashg‘uloti boshlandi.  
 
136-mashq.  Ko‘makchilarni  topib,  tagiga  chizing.  Qaysi 
kelishikdagi so‘zlar bilan qo‘llanganini va ma’nosini tushuntiring. 
1. Ismat bobo hassasi bilan eshikni ochib kirib keldi. 2. Yerni traktor 
bilan  haydaydilar.  3.  Biz  paxtakormiz,  suyagimiz  mehnat  bilan  qotgan.  
4.  Avtobus  shahar  markaziga  kirib  borgan  sari  yo‘lovchi  ko‘payar  edi.  
5. Bu kitobni ukam uchun oldim. 6. Ular sharqirab oqayotgan soy tomon 
yo‘l  yurib  ketdilar.  7.  Sog‘lom  bo‘lish  uchun  badan  tarbiya  bilan 
shug‘ullanish  lozim.  8.  U  kechgacha  ish  ustida  o‘tirdi.  9.  Shokir  qushni 
hovli  orqali  ko‘chaga  chiqarib  yubordi.  10.  Mashina  daryo  yoqalab  sekin 
yurib ketdi.