Anorgul atajonova

Aniq  nisbatdagi  fe’llar  harakatning  ma’lum  shaxs  yoki  predmet 
tomonidan  bajarilishini  bildiradi  va  ularda  maxsus  nisbat  qo‘shimchalari 
bo‘lmaydi: o‘qidi, boryapti, uxlamoqchi.  
Demak,  aniq  nisbatdagi  fe’llarda  zamon  va  shaxs-son 
qo‘shimchalaridan boshqa qo‘shimcha, ya’ni fe’l nisbatlarini ko‘rsatuvchi 
qo‘shimcha  bo‘lmaydi:  1.  Qor  yog‘a  boshladi.  2.  Ukam  bog‘chaga 
bormoqchi emas. 3. She’rni baland ovozda o‘qidi. 
O‘zlik  nisbatidagi  fe’llar  ish-harakatning  boshqa  narsa-buyumga 
o‘tmay, bajaruvchining o‘zida qolganini anglatadi.  
O‘zlik  nisbati  fe’l  o‘zagiga  -n  (-in),  -l  (il)  qo‘shimchasini  qo‘shish 
bilan hosil bo‘ladi: tarandi, sevindi, sudraldi.