Anorgul atajonova

10. Tarkibida gumon olmoshi qo‘llangan gapni belgilang. 
A) Hech kim uni xunuk demaydi; 
 B) Birov uni boqayotgandek yelkalarini qimirlatib, nafasini rostladi; 
C) Bu hovuz ikki odam bo‘yi chamasi chuqur edi; 
D) Faqat o‘zigagina tushunarli doirachalar chiza boshladi. 
 

---

 
119
FE’L 
 
118-mashq.  Matnni  o‘qib,  fe’llarni  toping.  qanday  so‘roqqa  javob 
bo‘lishi va gapdagi vazifasini ayting. Kesim vazifasida kelgan fe’llarni ega 
bilan birga ko‘chiring. 
 
Ko‘kaldosh madrasasi 
 
Ko‘kaldosh  madrasasi  Toshkentdagi  me’moriy  yodgorlik.  Madrasa 
shahar markazining Chorsu maydonida joylashgan. Buxoro xonining vaziri 
Qulbobo Ko‘kaldosh 1551-1557-yillarda qurdirgan. Buxoro shahrida ham 
shu  nomdagi  madrasani  Qulbobo  Ko‘kaldosh  1568-1569-yillarda 
qurdirgan.  Binoda  hozir  Buxoro  viloyat  "Oltin  meros"  jamg‘armasi 
joylashgan. 
Toshkentdagi  Ko‘kaldosh  madrasasi  peshtoqi  janubga  qaragan. 
Darvozadan kiraverishda chapda masjid, unda darsxona joylashgan. 
Masjid  va  darsxonalarning  tomi  o‘zaro  kesishgan  ravoqlar  ustiga 
o‘rnatilgan  gumbazlardan  iborat.  Miyonsaroy  yetti  gumbazli.  Chorsu 
hovlisi  keng,  hujralar  va  ochiq  ayvonlar  bilan  o‘ralgan.  Hovlining 
atrofidagi  hujralar  38  ta  bo‘lib,  darsxona  va  masjid  bilan  o‘zaro 
bog‘langan.  Madrasa  dastlab  uch  qavatli  bo‘lgan.  Peshtoqi  bilan  birga 
balandligi  19  metr  73  sm  bo‘lib,  sirkor  parchin  va  girihli  naqshlar  bilan 
bezatilgan. 
Ko‘kaldosh  madrasasi  XVII  asr  boshlarida  qarovsiz  holga  kelib 
qolgan  va  undan  karvonsaroy  ombori  sifatida  foydalanilgan.  1886-91-
yillarda Furqat, 1910-11-yillarda Hamza unda istiqomat qilgan. 
Madrasaning  old  tomoniga  an’anaviy  usulda  zinapoya  ishlangan. 
Ko‘kaldosh  madrasasi  1991-yildan  O‘zbekiston  Musulmonlari  diniy 
idorasi  tasarrufida.  Binoda  shu  idoraga  qarashli  o‘rta  maxsus  islom  bilim 
yurti joylashgan.