Anorgul atajonova

 
103-mashq.  Ertakni  o‘qing,  mazmunini  ayting.  Undagi  sifatlarni 
aniqlab daftaringizda yozing. Jadvalning bo‘sh katakchalarini to‘ldiring.  
 
Ot bilan kiyik 
 
Kunlardan  bir  kun  Ot  ko‘m-ko‘k  maysalar  bilan  qoplangan  keng 
dalaga  kelib  qolibdi.  Ko‘klamazor  maydon  unga  juda  ma’qul  bo‘libdi. 
Mazza qilib o‘tlabdi, u yoqdan bu yoqqa yuguribdi. Xullas, rosa yayrabdi. 
Ammo ko‘p o‘tmay qaerdandir juda chiroyli, kelishgan, kiyik paydo 
bo‘lib  qolibdi.  Kiyik  qarabdiki,  o‘tloq  keng,  barra  maysalar  o‘sgan,  Otga 
ham,  unga  ham  bemalol  yetadigan.  U  taklifni  kutib  o‘tirmay,  o‘tlashga 
kirishib ketibdi. 
Otga  bo‘lsa  ortiqcha  yemxo‘rning  paydo  bo‘lgani  aslo  yoqmabdi. 
Negaki, u keng maydonda yakka sayr qilib o‘tlashga o‘rganib qolgan ekan-
da. Ammo har qancha urinmasin, Kiyikni haydab yubora olmabdi. Shunda 
Ot maslahat so‘rab odamning oldiga boribdi.  
Odam unga: 

---

 
102
–  Men  Kiyikni  qanday  qilib  haydab  yuboraman?  Har  qancha 
yugurganim  bilan  unga  yetolmayman-ku.  Seni  jilovlab  ustingga  minsam, 
boshqa  gap  edi.  Kiyikni  bir  pastda  dalangdan  quvib  chiqara  olardim,  – 
debdi.  
Ot  odamning  gapiga  rozi  bo‘libdi.  Odam  uni  yaxshilab  egarlab, 
ustiga  minib  olibdi.  Ular  kiyikni  osongina  quvib  yuborishibdi.  Biroq  ot 
o‘sha paytdan boshlab o‘z erkini yo‘qotib, Odamga xizmat qila boshlabdi. 
Chunki Odam Otga bir minib olganicha uning ustidan tushmagan ekan-da.