Anorgul atajonova

Yaxshilik 
 
Yaxshilik  –  dil  ravshanligi  va  yurak  pokizaligini  namoyon  etuvchi 
insoniy fazilat. Yaxshilik ishonch, mehr , oqibat kabi axloq - odob sifatlari 
bilan  chambarchas  bog‘langan  bo‘lib,  qorong‘ilikda  ham  yoritib  turadi. 
Yaxshi  fikrlar,  yaxshi  tuyg‘ular,  yaxshi  kayfiyat,  yaxshi  ishlar  kishi 
ko‘nglini  tog‘dek  ko‘tarib,  diliga  quvonch  bag‘ishlaydi.  Shuning  uchun 
ham yaxshilik - hamisha odamlarga ezgulik qilish, ularning og‘irini yengil 
qilish, el-yurt mustaqilligi va farovonligi uchun ishlash demakdir. 
Yaxshilik  chinakam  insoniylik  bo‘lib,  xalqimizning  insonparvarlik 
qarashlarini,  quvonchlarini  ifodalaydi.  Yaxshi  gap  aytish,  yaxshi  so‘z 
eshitish, yomonlikdan ko‘z yumish, nafsdan qochish - bularning hammasi 
insoniylikka  kiradi.  Zero,  insonning  kechirgan  hayoti  uning  qilgan  har 
qanday  yaxshiligi,  xalqqa  bo‘lgan  nafi,  mehr-muhabbati,  rahm-shafqati 
bilan o‘lchanadi. 
Ota-bobolarimiz  o‘z  turmushlarida  doimo  yaxshi  niyat  bilan,  orzu-
istaklarini  dillarga  jo  qilib  yashaganlar.  Ular  o‘zlarining  yaxshi  nomlari 
bilan  butun  jahonga  dong  taratganlar.  Sohibqiron  Amir  Temur,  Alisher 
Navoiy, Bobur kabi xalqimizning buyuk allomalari o‘z hayotlarida doimo 
kishilarga yaxshilik qilish maqsadida yashaganlar. Shu bois Amir Temur: 
"Yaxshilarga yaxshilik qildim, yomonlarni o‘z yomonliklariga topshirdim. 
Kim  menga  do‘stlik  qilgan  bo‘lsa,  do‘stligi  qadrini  unutmadim  va  unga 
muruvvat, ehson, izzatu ikrom ko‘rsatdim", – deganlar o‘z o‘gitlarida 
(Ulfat Mahkamov).