Anorgul atajonova

To‘rt yuz yildan keyin chiqib ummat bo‘lgay, 
Necha yillar yurub xalqqa xizmat qilg‘ay 
baytini  nazarda  tutib,  har  holda  uning  hijriy  to‘rtinchi  asrning  ikkinchi 
yarmida tug‘ilganiga hukm qilish mumkindir. 
Yassaviyning  otasi  Shayx  Ibrohim  ismli  eshon  bo‘lub,  u  yoshligida 
o‘lgan.  Yetim  qolgan  Yassaviy  u  zamonning  mashhur  shayxlaridan 
Arslonbobodan (boshlang‘ich tarbiya) olgan. U kishi vafot etgandan keyin 
bizning Yassaviy pir izlab Buxoroga kelgan, Yusuf Hamadoniyga uchrab, 
unga  murid  bo‘lgan.  Yusuf  Hamadoniy  o‘lgandan  so‘ng  uchinchi  xalfasi 
bo‘lib  shayxlik  qilgan.  Bir  ozdan  so‘ng  Buxoro  shayxligini  Yusuf 
Hamadoniyning  to‘rtinchi  xalfasi  bo‘lgan  Abduxoliq  G‘ijduvoniyga 
topshirib,  o‘zi  Yassiga  qaytgan.  Onda  dala  xalqidan  ko‘b  murid  yig‘ib, 
xonaqoh  ochib  shayxlik  qilgan.  Yassaviyning  fors  adabiyoti  vazn  va 
uslubida emas, turk milliy vaznida, xalq adabiyoti uslubida yozgani mana 
shul  Yassiga  qaytib  dala  xalqidan  muridlar  to‘planganidan  keyin 
boshlangan  bo‘lsa  kerak.  Yassaviy  oltmish  uch  yoshiga  kirgach, 
xonaqohda  yer  osti  (dan)  bir  chillaxona  qozdirib,  shunga  kirgan  va 
dunyodan aloqasini kesgan kabi ko‘runub shayxlikni davom ettirgan ham 
shunda  o‘lgan.  Vafoti  hijriy  562  nchi  yildadir  (Abdurauf  Fitratning 
"Tanlangan asarlari" kitobidan, II jild).