Анжуманда қуйидаги шўъбалар ишлаши кўзда тутилган: 1-шўъба

АХБОРОТ ХАТИ

Вазирлар Маҳкамасининг 2022 йил 7-мартдаги 101-Ф фармойишига асосан 2022 йилнинг 11 июнь Қарши давлат университетида “Мусиқа санъати соҳасида фанларнинг ўқитилишининг илмий методик асослари” мавзусида Республика илмий-назарий анжумани ўтказилиши режалаштирилган.

Анжуманда қуйидаги шўъбалар ишлаши кўзда тутилган:
1-шўъба. Мусиқа санъати соҳасида фанларнинг ўқитилиши жараёнида ёндашувлар: муаммо ва ечимлар;
2-шўъба. Мусиқа ўқитувчиси касбий маҳоратига қўйиладиган замонавий талаблар;
3-шўъба. Замонавий таълимнинг педагогик ва психологик муаммолари;
4- шўъба. Тасвирий ҳамда амалий санъат фанларини ўқитишда замонавий ёндашувлар.
Анжуман ишида Республика Олий таълим муассаларининг профессор-ўқитувчилари, халқ таълими ходимларини қайта тайёрлаш ва уларнинг малакасини ошириш худудий марказлари профессор-ўқитувчилари, соҳа йўналиши ташкилотларининг мутахассислари, докторант, магистр, иқтидорли талабалар, болалар мусиқа ва санъат мактаблари ҳамда умумтаълим мактаблари ўқитувчилари иштирок этишлари мумкин.
Анжуман онлайн ва офлайн форматда ўтказилиши режалаштирилган.
Конференцияга тақдим этилаётган илмий мақола (тезис)ларга қўйиладиган талаблар ва расмийлаштириш тартиби:
- мақола ва тезислар ҳажми 3-6 бетгача тўлиқ ҳажмда Microsoft Word муҳарририда, матнлар “Times New Roman” 14 ўлчамли шрифтда, 1,5 интервалда, чап томондан 3 см, ўнг томондан 1,5 см, юқоридан ва паст томондан 2 см қолдирилган ҳолда ёзилади. Файл номлари муаллифнинг фамилияси ҳамда шўъба рақами билан номланади;
-мақола ва тезис мавзуси бош ҳарфларда (14 шрифтда) ўртага ёзилиб, кейинги сатрда муаллиф(лар) исми-шарифи, иш жойи, илмий даражаси ёки илмий унвони, тел.рақами, электрон манзили келтирилади. Ундан кейин 1,5 интервал пастда аннотация, калит сўз ёзилади. Калит сўзлардан кейин 1,5 интервал пастдан хат бошидан тезис (макола) матни, сўнг матн хулосаси, ундан сўнг пастдан адабиётлар келтирилади. Адабиётлар рўйхати тўлиқ ҳолда алфавит тартибида (Ф.И.Ш., асар номи, нашр йили ва жойи, нашриёт номи, бетлар) кўрсатилиши лозим. Матн ичида фойдаланилган манбаларга ҳаволалар қуйидаги кўринишда кўрсатилиши лозим : [1, 50 б.];
- тезис ва мақолалар электрон нусхада топширилади ва конференция материаллари электрон ҳамда босма тўплам ҳолида чоп этилади;
-мақола ва тезисдаги маълумотлар, фактлар ва статистикаларнинг тўғрилигига,имловий ва ишоравий хатолари (матннинг таҳририй жиҳатлари) учун муаллиф(лар)нинг ўз(лар)и масъулдир;
-мазкур конференция ташкилий қўмитаси келиб тушган материалларни танлаб олиш ҳуқуқига эга, талабларга жавоб бермайдиган мақолалар ташкилий қўмита томонидан кўриб чиқилмайди ва тўпламга киритилмайди.