Animatorlik xizmatini tashkil etish

FARG’ONA DAVLAT UNIVERSITETI
IJTIMOIY-IQTISODIY FAKULTET
MEHMONXONA XO’JALIGINI TASHKIL ETISH VA BOSHQARISH YO’NALISH
4-KURS 18.111 GURUH TALABASI
HAKIMOV NODIRBEKNING
“ANIMATORLIK XIZMATINI TASHKIL ETISH” FANIDAN


MUSTAQIL ISHI
Mavzu: Mehmonxonalarda animatorlik xizmatini tashkil etish va uning dasturlari.

Reja:

1. 
   Mehmonxonalarda animatsiya xizmatlari.
   
2. 
   Mexmonxona animatsiya dasturlari turlari.
   
3. 
   Animatsiya dasturlarni ishlab chiqish jarayoni va rivojlntirish xususiyatlari.
   

1. 
   Mehmonxonalarda animatsiya xizmatlari.
   

Mehmonxona majmualarida xizmatlarni tashkil etish, animatsion dasturlarni ishlab chiqish va turistlarga taqdim etish mehmonxonaning ichki imkoniyatlari, xizmatlar to’plami yordamida amalga oshiriladi, animatsiya xizmatlarini tashkil etish bo’yicha turistik korxonalar o’rtasida raqobat shakllanadi. Animatsiya dasturlari ma'naviy manfaatlari sohasi doirasidagi sport o'yinlari, raqslar, karnavallar, o'yinlar, mashg’ulotlarni o'z ichiga oladi. Kurortli mehmonxonalarda individual va jamoaviy dam olish, jonli o'yin-kulgi va boshqa dasturlar rivojlanib bormoqda.

Odatda mehmonxona hududida katta kechki qahvaxona tashkil etilgan. U yerga kechki ovqatdan so‘ng dam oluvchi turistlarning katta qismi to‘planadi. Ular uchun bilish harakteridagi mavzu bilan turli viktorinalar, konkurslar, Coffe-games lotoreya, misol uchun: lotoreya «Bingo» eng yaxshi juftlik «Otel malikasi», «Ayollar erkaklarga qarshi» va boshqa konkurslar o‘tkaziladi, g‘oliblarga otel hisobidan oddiy va original sovrinlar topshiriladi.
Bundan tashqari animatorlarda zaxirada juda ko‘p xilma-xil o‘yinlar bo‘ladi, ular ham tadbir davomida foydalanishi mumkin. Quyida o‘yinlar nomi va ularning qisqacha mazmunini keltiramiz:
Kim birinchi? Sahnaga to‘rtta stul olib chiqiladi, zaldan besh-kishi tanlab olinadi. Musiqa yangraydi. O‘yinchilarning vazifasi-musiqa tugashi bilan stulga o‘tirishga ulgurish.