Android operacion sisteması búgingi kúndegi dúnyadaǵı barlıq smartfonlardıń 85% tiniń tiykarı bolıp esaplanadı

Kirisiw
Búgingi kúnde turmısımızdıń hár bir iskerlik tarawı jedellik benen tez pátde rawajlanıp baratırǵan bir waqıtta informaciya komunikatsiyalardan keń paydalanıp, zamanagóy texnologiyalar, elektron apparatlar sıyaqlı túsinikler de hár bir kúnimizdiń ajıralmas bólegine aylanıp baratır. Sońǵı bir neshe jıllardan berli, mobil divayslar sanaatı sonshalıq rawajlanıp ketti, internetten ulıwma paydalanıw hám aktivlik boyınsha hátte kompyuterler bazarın da iyelep atır. Bul álbette mobil qurılmalardıń ústinligi. Olar biziń turmısımızda barǵan sayın bekkem orın iyelep, ápiwayı zatqa aylanıp baratır. Búgingi kúnde bunday gadjetlar arasında jetekshi platforma Android operacion sisteması esaplanadı. Android operacion sisteması Google tárepinen tiykarınan sensor ekranlı apparatlar, mobil telefonlar hám planshetler ushın paydalanıw ushın islep shıǵılǵan mobil operacion sistema bolıp tabıladı. Google sonıń menen birge, televizorlar, avtomobiller hám qol saatlarında Android programmalıq támiynatınan paydalanadı hám olardıń hár biri ayriqsha paydalanıwshı interfeysi menen úskenelestirilgen.
Android operacion sisteması búgingi kúndegi dúnyadaǵı barlıq smartfonlardıń 85% tiniń tiykarı bolıp esaplanadı. Sonıń menen birge, android operacion sisteması basqa aqilli apparatlar bazarın da iyelep atır, atap aytqanda, aqilli televizor, aqillli saat, aqilli mashina hám basqa aqilli apparatlar android sistemasın eń maqul dep tawıp atır. Android platformasi ashıq listenziyali programmalıq támiynat bolǵanlıǵı ushın onıń platformasida jaratılatuǵın programmalar da kóbeyip atır. Google kompaniyası menen sheriklikte jaratılǵan joybarlar arqalı bolsa klientleri hám qarıydarları kóńlinen jaqsı jay alǵan. Android qurılmalar, paydalanıwshılardıń ómirin, jumısın ańsatlastıradı. Bul operacion sistemanıń múmkinshilikleri GPS-navigator járdeminde tıǵılıslıqlardan shıǵıw, qol saatımızǵa SMS jiberiw hám assistentden sorawlarǵa juwap alıw imkaniyatın beredi. Shama menen eki yarım milliard hár qıylı apparatlar, 5G telefonlarınan tartıp eń aldıńǵı planshetler de Android sistemasında isleydi. Android - bul hámme ushın ashıq bolǵan operatsion sistema: islep shıǵıwshılar, dizaynerler hám qurılma óndiriwshilerinede.