Andijon mashinasozlik instituti “sanoat ishlab chiqarishni tashkil etish” kafedrasi “buxgalteriya hisobi”

1. Bir tekisda (to’g’ri chiziqli) eskirishni hisoblash usuli. Bu usulda ob’ekt qiymatining eskirish hisoblanayotgan qismi xarajat schyotlariga uning xizmat qilish muddati davomida bir tekisda (maromda) o’tkazib boriladi. Har yil uchun eskirish summasi (A) eskirish hisoblanadigan qiymat (ob’ektning boshlangich qiymati (B)dan uning tugatish qiymati(T)ni chegirilgan qismi)ni asosiy vositalarning foydali xizmat muddati(M)ga bo’lish orqali aniqlanadi, ya’ni
B - T
A = ------------ .
M
Masalan, dastgohning boshlang’ich qiymati 550.000 so’m, xizmat muddati besh yil, xizmat muddati oxiridagi tugatish qiymati - 50.000 so’m. Bu holda har yillik eskirishso’mmasi eskirish hisoblanadigan qiymatning 20% ni tashkil qiladi yoki bir tekisda eskirish xisoblash usuliga binoan 100000 so’mni tashkil etadi, ya’ni
Boshlang’ich qiymat (B) - tugatish qiymati (T) 550.000 – 50.000
A h -------------------------------------------------------- h ------------------------ h 100.000 so’m
Xizmat qilish muddati (M) 5

Ushbu dastgohga besh yil mobaynida eskirish hisoblashni quyidagi ishchi jadval orqali ko’rsatish mumkin:

(so’m hisobida)

Sana	Boshlangich qiymat	Yillik eskirish summasi	Jamlangan eskirish summasi	Balans qiymati
xarid sanasi	550.000	-	-	550.000
1 yil oxiri	550.000	100.000	100.000	450.000
2 yil oxiri	550.000	100.000	200.000	350.000
3 yil oxiri	550.000	100.000	300.000	250.000
4 yil oxiri	550.000	100.000	400.000	150.000
5 yil oxiri	550.000	100.000	500.000	50.000

2. Bajarilgan ishlar hajmiga mutanosib ravishda eskirish hisoblash usuli. Ba’zi ob’ektlarni eskirishi ularning ishlatish jadalligi bilan bevosita bog’liq bo’ladi. Bunda ob’ektning mavjudlik davri (vaqti) e’tiborga olinmaydi. Dastavval ish (maxsulot, xizmat) birligiga to’g’ri keladigan eskirishso’mmasi (A) hisoblab olinadi. Uni hisoblash eskirish hisoblanadigan qiymat (ob’ektning boshlangich qiymati (B)dan uning tugatish qiymati(T)ni chegirilgan qismi)ni asosiy vositalarning bajargan ishi hajmiga (I)ga bo’lish orqali aniqlanadi, ya’ni
B - T
A h ------------ .
I
Bajarilgan ish birligiga to’g’ri keladigan eskirish summasi hisoblab olingach, uni bir yilda bajaradigan ish hajmiga ko’paytirish yo’li bilan asosiy vositaning yillik eskirish summasi aniqlanadi.
Masalan, balans qiymati 550.000 so’m, tugatish (qoldiq) qiymati 50.000 so’m bo’lgan dastgohning 5 yillik xizmat muddati mobaynida umumiy bajaradigan ish hajmi 200.000 donani tashkil qiladi. Har bir dona hisobiga to’g’ri keladigan eskirish xarajatlari summasi quyidagicha aniqlanadi:

Boshlang’ich qiymat (B) - tugatish qiymati (T) 550.0000 – 50.000

A h -----------------------------------------------h -------------------- h 2,5 so’m bir donaga
Bajarilgan ish hajmi (I) 200.000
Agar dastgohni xizmat muddatining birinchi yili 50.000 dona, ikkinchi yili – 60.000 dona, uchinchi yili – 40.000 dona, to’rtinchi yili -30.000 dona va beshinchi yili -20.000 dona mahsulot ishlab chiqarsa, u holda dastgohga hisoblangan eskirish quyidagicha bo’ladi: (so’m hisobida)

Sana	Boshlang’ich qiymat	Bajarilgan ish hajmi, tG’km	Yillik eskirish summasi	Jamlangan eskirish summasi	Balans qiymati
xarid sanasi	550.000	-	-	-	550.000
1 yil oxiri	550.000	50.000	125.000	125.000	425.000
2 yil oxiri	550.000	60.000	150.000	275.000	275.000
3 yil oxiri	550.000	40.000	100.000	375.000	175.000
4 yil oxiri	550.000	30.000	75.000	450.000	100.000
5 yil oxiri	550.000	20.000	50.000	500.000	50.000

Jadvalda keltirilgan hisoblardan ko’rinib turibdiki, yillik eskirish summasi va bajarilgan ish birligi o’rtasidagi to’g’ri bog’liqlik mavjud. Jamg’arilgan eskirish har yili ish birligi hajmiga bog’langan holda o’zgarib boradi, balans qiymati esa yil sayin ish hajmiga mutanosib ravishda qoldiq qiymatga etmaguncha kamayib boradi. Bu usulga muvofiq har bir ob’ektni taxmin qilinayotgan foydali xizmat muddatini aniqlashda qo’llaniladigan ish birligi ma’lum aktivlarga mos kelishi kerak. Masalan, ishlab chiqarilgan mahsulot miqdori aniq bir uskunaga mos kelishi kerak, bunda ob’ektdan foydalanish soatlari miqdori boshqa uskunaga eskirish hisoblashda yaxshi ko’rsatkich bo’lib xizmat qilishi mumkin. Bu usulni ob’ektdan foydali ishlatish muddati ichida fondlar qaytimi etarlicha aniqlash mumkin bo’lgan hollarda qo’llash ma’quldir.