Andijon mashinasozlik instituti “sanoat ishlab chiqarishni tashkil etish” kafedrasi “buxgalteriya hisobi”

Moliyaviy va boshqaruv hisobining taqqoslama tavsifi

Farqlovchi belgilar	Moliyaviy hisob	Boshqaruv hisobi
1. qo’yilgan huquqiy talablarga ko’ra	qonunchilik asosida tartibga solinadi va yuritiladi	Yuritilish tartibi maxsus qonunchilik bilan tartibga solinmagan
2. Axborotning aniqlik darajasiga ko’ra	Aniqlik qat’iy tarzda talab qilinadi	Ayrim ma’lumotlar aniq bo’lmasligi mumkin
3.O’rganish ob’ektiga ko’ra	Korxonaning barcha faoliyat yo’nalishlarini qamrab oladi	Korxonaning ayrim fao- liyat yo’nalishlari yoki bo’limlariga tegishli
4.qo’llaniladigan hisob tamoyillariga ko’ra	Xalqaro yoki milliy buxgalteriya standartlari asosida yuritiladi	qo’llaniladigan tamoyillar korxona menejmenti tamonidan belgilanadi
5.Axborotning vaqt qam- roviga ko’ra	Asosan o’tgan davrda yuz bergan muomala va hara-katlarni aks ettiradi	O’tgan davr ma’lumotlaridan tashqari istiqbol tav- sifidagi axborotlar ham hisobga olinadi
6.Axborotlarni taqdim etish davriyligiga ko’ra	Yilda yoki chorakda bir marta	Ehtiyoj tugilishi bilan so’rab olinadi yoki tavsiya etiladi
7.Axborotning foydalanuvchilariga ko’ra	Asosan,investorlar, aktsionerlar,mulk egalari kabi tashqi foydalanuvchilar	Asosan korxonaning turli darajadagi menejerlari, xodimlari
8.qo’llaniladigan hisob tizimiga ko’ra	Albatta ikkiyoqlama yozuvni taqazo etadi	Ikkiyoqlama yozuv bo’lishi shart emas
9.Hisobot sub’ektiga ko’ra	Korxona	Mas’uliyat markazlari

Menejmentda boshqaruv hisobi. Boshqaruv va moliyaviy hisoblarining schyotlarida xo’jalik muomalalarini qayd qilish

Boshqaruv hisobi boshqaruv bo’g’iniga axborotlar yetkazib berish bilan shug’ullanar ekan, menejmentning ma’lumotlarga bo’lgan ehtiyojini yanada yaxshiroq tushunish uchun boshqaruv qarorlari qabul qilish jarayoni to’g’risida to’liq ma’lumotga ega bo’lish lozim.
Boshqaruv qarorlari qabul qilish jarayoni 1.1.chizmada ko’rsatib o’tilgan. CHizmada ko’rsatilgan birinchi beshta bosqich rejalashtirish va boshqaruv qarori qabul qilish jarayonini tashkil etadi. Bunda asosan korxona oldiga qo’yilgan joriy yoki strategik vazifani bajarish uchun taklif etilgan alьternativ harakat variantlari ichidan korxona uchun eng maqbuli tanlab olinadi.Oxirgi ikkita bosqich boshqaruv jarayonini tashkil qilib, bunda tanlab olingan harakat variantini baholash va chetga chiqishlarni aniqlash amalga oshiriladi. Boshqaruv qarorlari qabul qilish jarayonini batafsilroq ko’rib chiqamiz.
1-bosqich. Maqsad va vazifani belgilash
Har qanday biznes faoliyatining eng oliy maqsadi, bu- kompaniya foydasini ko’paytirishdir. Bunga erishish uchun esa kompaniya o’z oldiga joriy va uzoq istikbolni hisobga olgan vazifalarni qo’yadi. Bunday vazifalar sifatida quyidagilarni keltirish mumkin:
■ sotish hajmini oshirish;
■ aktivlar qiymatini oshirish;
■ mahsulot sifatini yaxshilash;
■ ishlab chiqarish jarayonini kengaytirish;
■ yangi mahsulot turini yaratish va h.k.