Andijon mashinasozlik instituti huzuridagi

To‘g‘ri chiziqning izlari
To‘g‘ri chiziqning proyeksiyalar tekisliklari bilan kesishgan nuqtalariga to‘g‘ri chiziqning izlari deyiladi.
Umumiy vaziyatdagi to‘g‘ri chiziq hamma proyeksiyalar tekisliklari bilan kesishib, uchta gorizontal, frontal va profil izlarini hosil qiladi.
Bitta proyeksiya tekisligiga parallel bo‘lgan to‘g‘ri chiziq, shu tekislik bilan kesishmaydi va u ikkita iz hosil qiladi.
Ikkita proyeksiyalar tekisligiga parallel bo‘lgan to‘g‘ri chiziq faqat bitta izga ega bo‘ladi.
To‘g‘ri chiziqning gorizontal izini ko‘rish uchun, to‘g‘ri chiziqning frontal proyeksiyasini O_Х proyeksiya o‘qi bilan kesishguncha davom ettiriladi. O_Х o‘qida hosil bo‘lgan m' nuqtadan perpendikular o‘tkaziladi va to‘g‘ri chiziqning gorizontal proyeksiyasi o‘tkazilgan perpendikular bilan kesishguncha davom ettiriladi. Qurilgan nuqta to‘g‘ri chiziqning gorizontal m izini hosil qiladi. Natijada to‘g‘ri chiziq bilan Н tekislikning kesishgan М nuqtasi – gorizontal izi hosil bo‘ladi.
To‘g‘ri chiziqning frontal izini qurish uchun, to‘g‘ri chiziqning gorizontal proyeksiyasi O_Х proyeksiya o‘qi bilan kesishguncha davom ettiriladi. O_Х o‘qida hosil bo’lgan n nuqtadan perpendikular o‘tkaziladi va to‘g‘ri chiziqning frontal proyeksiyasi o‘tkazilgan perpendikular bilan kesishguncha davom ettiriladi va
31

to‘g‘ri chiziqning n' frontal izi hosil qilinadi. Natijada to‘g‘ri chiziq V tekislik bilan N nuqtada kesishadi.

2.18-chizma.